Truck Chaalakon Ne Kiya Haifed Godaam Ka Gate Band

India » Friday, April 26, 2013

S . Jeend : Gehoon uthaan ke dauraan truck chaalakon ne kiraae mein badhotri karne ki maang ko lekar uchaana ke haifed godaam ke gate ko band kar diya. Isse gehoon ke uthaan ka kaam prabhaavit huaa. Ghatna ki soochana par mauke par pahunchi police ne truck chaalakon ko samajhaane ki koshish ki, naheen ve ade rahe. Is beech truck chaalakon ke virodh ki vajah se sadak kinaare anaaj mandi se gehoon ko lekar aane vaale vaahanon ki line lag gayi. Baad mein police ne haifed manager daleep Singh ki shikaayat par gaanv kharakaboora nivaasi jogendr, gaanv karasindhu nivaasi suresh, uchaana kalaan nivaasi maheepaal ke khilaaf sarkaari kaam mein baadha daalne ka maamala darj kar liya. Maamale ke jaanch adhikaari harapaal Singh ne bataaya ki truck chaalakon ne Budhvaar shaam ko haifed ke godaam ke baahar truckon ko khada karke gate ko band kar diya tha. Isse gehoon ke uthaan ka kaam prabhaavit huaa.