Tripura Vidhaanasabha Chunaav Mein Hua Record 93 Feesadi Matadaan
India » Thursday, February 14, 2013
Agartala: Tripura mein 60 sadasyeeya vidhaanasabha ke liye shaantipoorn chunaav mein 93 feesadi matadaan hua yaani 23,52,505 matadaataaon ne vote daala. Varsh 2008 mein raajya mein hue pichhle vidhaanasabha chunaav mein 92.6 feesadi matadaan hua tha. Vaam morcha ko record banaate hue paanchavi baar satta mein lautane ki ummeed hai. Mukhya mukaabala vaam morcha aur Congress ke beech hai. Mukhyamantri maanik sarkaar, vitt mantri baadal chaudhari, uchch shiksha mantri anil sarkaar, pradesh Congress adhyaksh sudeep rai barman, poorv mukhyamantri sameer ranjan barman aur indinijins neshanalist party of tripura ke adhyaksh bijl raakhaanval un 249 ummeedavaaron mein shaamil hain jinki raajaneetik takadeer iveeem mein seal ho gayi. Police ne bataaya ki khaayerapur vidhaanasabha kshetr mein bodhajanganagar mein keindreeya reserve police bal (CRPF) ke ek gashti dal ne paanch deshi bam baraamad kiye. Iske alaava raajya ke kisi bhi hisse se kisi apriya ghatna ki khabar naheen hai. Kadi suraksha ke beech subah saat baje matadaan shuroo hua.