Tripura Mein 30 Varsh Baad Uchch Nyaayaalaya Khula
Breaking » Tuesday, March 26, 2013
Agartala. . Sarvochch nyaayaalaya ke pradhaan nyaayaadheesh altamas kabeer ne mangalvaar ko tripura nyaayaalaya ka udghaatan kar 30 varshon se raajya ke liye ek alag uchch nyaayaalaya ke liye chal rahe sangharsh ka pataakshep kiya. Is udghaatan saath hi desh mein uchch nyaayaalayon ki sankhya 21 se badhkar 24 ho gayi. Pradhaan nyaayaadheesh kabeer somvaar ko meghaalaya uchch nyaayaalaya aur manipur uchch nyaayaalaya ka udghaatan kar chuke hain. Nyaayaadheesh deepak gupta ne shanivaar ko tripura uchch nyaayaalaya ke pehle mukhya nyaayaadheesh ke roop mein padabhaar grahan kiya. Tripura vidhi vibhaag ke sachiv daataamohan jamaatiya ne bataaya, "Isse pehle raajya ke mukadamon ka niptaara Guwahati uchch nyaayaalaya ki Agartala peeth mein hota tha. Ab inki sunavaai tripura uchch nyaayaalaya mein hogi. Ab lambit pade maamalon ki sunavaai teji se ho sakegi.