Traival Agenton Ki Desh Bhar Mein Hadtaal Aaj

India »

Traival Agenton Ki Desh Bhar Mein Hadtaal Aaj

nai Delhi : Deshbhar ke traival agenton ne airlines companiyon ke khilaaf mangalvaar ko ek din ki hadtaal par jaane ka ailaan kiya hai. Traival agenton ka kehna hai ki airlines companiyaan unhein milne vaale kamishn ko khatm karti ja rahi hain, jisse traival agencyan band hone ke kagaar par hain. Agenton ka yah bhi kehna hai ki agenton ke hatne ka sabse jyaada nuksaan paiseinjaron ko hone ja raha hai. Traival agent asosiyeshan of India (taai) ke banner tale traival agenton ka kehna hai ki unhein ghareloo airlines filhaal mahaj ek feesadi kamishn day rahi hain. Jabki Japan, Hongkong jaise deshon mein agenton ko 9 feesadi tak ka kamishn milta hai. Airlines ki is manamaani ki vajah se ab bhaarateeya agenton ka business doosare deshon mein shift ho raha hai, jiska nuksaan sarkaar ko bhi hoga. Asosiyeshan ke poorv adhyaksh rajji rai ka kehna hai ki is vakt deshbhar mein 75 se lekar 90 feesadi tak havaai tikton ki booking agenton ke jariye hi hoti hai. Agar agent hi khatm ho jaaenge, to isse paiseinjaron ko hi nuksaan hoga. Agar traival agent naheen honge ye airlines paiseinjaron se 20 se 30 feesadi tak jyaada kiraaya vasooleingi, kyonki paiseinjaron ko pata naheen rahega ki kis airlines ke paas tikt upalabdh hain. Agenton ka kehna hai ki ve passenger ke passport se lekar tikt book karaane aur unhein videsh mein airport par taxi aur fir hotel tak book karaane mein madad karte hain. Taai ke ek anya sadasya ke mutaabik, kaargo agenton ke liye abhi bhi kamishn rakha gaya hai. Lekin traival agenton ka kamishn khatm kiya ja raha hai. Agar aisa hota hai to unke saamane bhi apna business sametane ke alaava koi chaara naheen rahega. Traival agenton ne is maamale mein naagar vimaanan mahaanideshaalaya, civil eviyeshan ministri ke alaava vitt mantraalaya se bhi guhaar lagaai hai. Unka kehna hai ki mangalvaar ko deshbhar ke traival agent apna kaarobaar band rakheinge aur fir bhi unki sunavaai naheen hui, to ve aur kade kadam uthaane ko majaboor honge.

Traival Agenton Ki Desh Bhar Mein Hadtaal Aaj https://www.angrejinews.com/pic/7922