Traiktar-trauli Palatane Se 5 Shraddhaaluon Ki Maut

Breaking »

Traiktar-trauli Palatane Se 5 Shraddhaaluon Ki Maut

IANS . Lucknow : UP ke prataapagadh jile mein somvaar ko ek traiktar-trauli ke palatane se usamein savaar 5 logon ki maut ho gayi. Is haadase mein 30 anya ghaayal ho gaye. Maanikpur thaana prabhaari raaj kishor ne bataaya ki traiktar-trauli par savaar 40 log sheetala devi ke darshan ke liye kaushaanbi ja rahe. Is beech maanikpur thaana ilaake mein katehari kasbe ke paas shraddhaaluon se ladi traiktar-trauli aniyantrit hokar palat gayi. Mrutakon mein ek bachcha, 2 mahilaaen aur 2 purush shaamil hain. Ghaayalon ko jila aspataal mein bharti karaaya gaya hai. Police adhikaariyon ka kehna hai ki ghaayalon mein se 4 ki haalat kaafi naajuk hai aur mrutakon ki sankhya badh bhi sakti hai. Durghatana ke shikaar log prataapagadh ke rahane vaale hain.

Traiktar-trauli Palatane Se 5 Shraddhaaluon Ki Maut https://www.angrejinews.com/pic/7145