Toyota University Cricket Championship Ka Rangaarang Aagaaj

Cricket »

Toyota University Cricket Championship Ka Rangaarang Aagaaj

Mumbai: Toyota university cricket championship aaj se shuroo ho rahi hai. University cricket ko badaava dene ki yah NDTV aur maanav sansaadhan vikaas mantraalaya ki saajha koshish hai. Toyota university cricket championship ko BCCI ka support bhi haasil hai. Mumbai ke brebaun stadium mein shaam saat baje se is tournament ka udghaatan samaaroh shuroo huaa. Toyota university cricket championship mein desh ki top aath university teemein hissa le rahi hain. Ti-20 faurmet mein khela jaane vaale yah tournament 23 February se 10 March tak khela jaaega. Ye match star cricket par live dikhaae jaaenge. 1960 aur 70 ke dashakon mein university star ke cricket mukaabalon mein khoob bheed jutati thi, lekin pichhle do dashakon mein ismein dheere-dheere giraavat aati chali gayi. Ab NDTV ne maanav sansaadhan vikaas mantraalaya ke saath milkar vahi josh, utsaah aur pratibhaaon ko saamane laane ke liye vishvastareeya prayaas kiya hai. Is tournament ke liye Bollywood superstar Shahrukh Khan ko brand embaisedar ke taur par joda gaya hai aur is pahal ka uddeshya jameeni star par cricket ko badhaava dena hai.

Toyota University Cricket Championship Ka Rangaarang Aagaaj https://www.angrejinews.com/pic/2622