'Tote Ko Aajaad Karne Ki Kavaayad Shuroo

Breaking »

'Tote Ko Aajaad Karne Ki Kavaayad Shuroo

Vishesh samvaadadaata nai Delhi. . Supreme court ki or se di gayi deadline ke maddenajar sarkaar ne CBI ko aajaadi dene ki rooparekha banaane ki kavaayad shuroo kar di hai. Is silsile mein guruvaar ko vitt mantri pi Chidambaram ki adhyakshata mein bane jeeoem pehli meeting hui. Sootron ke mutaabik, pehli meeting mein kaarmik va peinshan mantraalaya (deeopeeti) ne CBI ko lekar ek prejeinteshan diya, jismein CBI ke maujooda svaroop aur usaki baareekiyon ko saamane rakha. Pehli meeting mein iske alaava, Lokpal bill mein CBI se jude praavadhaanon ke saath-saath vineet Narayan case par bhi charcha hui. Gaurtalab hai ki 1990 ke dashak mein vineet Narayan banaam Bhaarat sarkaar maamale mein Supreme court ne pehli baar CBI ko sarkaar ke control se nikaal kar aajaadi dene ki baat kahi thi. Meeting khatm hone ke baad media se baatcheet mein kaanoon aur IT mantri Kapil sibbal ka kehna tha ki CBI ki aajaadi ko lekar ki ja rahi koshishon ki disha mein yah pehla kadam hai. Ismein deeopeeti ne apna prejeinteshan diya. Sibbal ka kehna tha ki gruh mantri ki gairamaujoodagi ke chalte guruvaar ko jyaada muddon par charcha naheen ho paai. Lekin jaldi hi ham apna agala kadam leinge. Na shinde na sinha pahunche : Gaurtalab hai ki guruvaar ko hui meeting mein jahaan gruh mantri susheel Kumar shinde maujood naheen the, vaheen doosari or jeeoem mein special inavaaiti ki haisiyat se chune gaye CBI cheef Ranjit sinha bhi shaamil naheen hue. Is meeting mein vitt mantri ke alaava, videsh mantri Salman khursheed, IT mantri Kapil sibbal va deeopeeti mein raajyamantri vi naaraayanasaami maujood the.

'Tote Ko Aajaad Karne Ki Kavaayad Shuroo https://www.angrejinews.com/pic/9496