'Tota Pinjare Se Ud Jaata To Saare Raaj Khol Deta Sibbal

India »

'Tota Pinjare Se Ud Jaata To Saare Raaj Khol Deta Sibbal

Nai Delhi Aalok varma ko CBI nideshak pad se hataae jaane ki prushthabhoomi mein Congress ke varishth neta Kapil sibbal ne shukravaar ko Narendra Modi sarkaar par nishaana saadha aur daava kiya ki 'Pinjare mein band tote ko udne naheen diya gaya kyonki vah satta ke galiyaare ke saare raaj khol deta. ' sibbal ne tweet kar kaha, 'Aalok varma ko hataaya gaya. Samiti ne sunishchit kiya ki pinjare mein band tota ud na sake kyonki iska dar tha ki kaheen ye tota satta ke galiyaare ke raaj na khol de. ' unhonne tanj kasate hue kaha, 'Pinjare mein band tota abhi band hi rahega. ' Alok Verma'S removal The Committee ensured the caged parrot did not fly away fearing the parrot might spill the be… https: //t. Co/4DQP86HNqJ— Kapil Sibal (@KapilSibal) 1547174456000 Gaurtalab hai ki kuchh saal pehle uchchatam nyaayaalaya ne CBI ko 'Pijde mein band tota' kaha tha, us vakt kendra mein Congress ki aguaai waali UPA sarkaar thi. Daraasal, uchchatam nyaayaalaya dvaara bahaal kiye jaane ke maatr 2 din baad aalok varma ko pradhaanamantri Narendra Modi ki adhyakshata waali ek uchchaadhikaar praapt chayan samiti ne guruvaar ko ek marathon baithak ke baad ek abhootapoorv kadam ke tahat bhrashtaachaar aur kartavya nirvahan mein laaparavaahi ke aaropon mein CBI nideshak ke pad se hata diya. Varma CBI ke 55 varshon ke itihaas mein is tarah ki kaarravaai ka saamana karne vaale jaanch agency ke pehle pramukh hain. 1979 batch ke IPS adhikaari varma Budhvaar ko duty par laute the. Isse ek din pehle hi uchchatam nyaayaalaya ne kuchh sharto ke saath unki vaapasi ka maarg prashast kiya tha aur CBI pramukh ka chayan karne waali 3 sadasyeeya samiti se ek saptaah mein unke pad par bane rahane ke baare mein faisala karne ke liye kaha tha.

'Tota Pinjare Se Ud Jaata To Saare Raaj Khol Deta Sibbal https://www.angrejinews.com/pic/247088