Top-2 Mein Pahunchana Behad Mushkil Ho Gaya Hai Dravid

Cricket »

Top-2 Mein Pahunchana Behad Mushkil Ho Gaya Hai Dravid

Mumbai. . Mumbai Indians ke khilaaf 14 run ki haar ke liye apne ballebaajon ko doshi thaharaate hue Rajasthan Royals ke kaptaan Rahul Dravid ne kaha ki IPL playoff mein sheersh do sthaanon par pahunchane ki unki team ki sambhaavana kamjor pad gayi hai. Dravid ne Budhvaar raat match ke baad samvaadadaataaon se kaha, 'Hamaare liye yah haar kaafi kadi hai. Hamaara net run rate Mumbai aur chennai super kings se kam hai. Yadi hamein top too mein jagah banaani thi to yah match jeetna jaroori tha. Ab hamein yah duaa karni hogi ki inmein se koi buri tarah haare. Ve bahut achhi teemein hain aur aasaani se naheen haarateen. ' unhonne kaha, 'Kuchh bhi ho sakta hai. Yadi bhaagya ne hamaara saath diya aur ham Hyderabad se jeet gaye aur inmein se koi ek team buri tarah haar gayi to ham sheersh do mein jagah bana sakte hain, lekin aisa mushkil lagta hai. ' Dravid ko Budhvaar raat wicket ke peechhe catch out diya gaya jabki geind unke balle par naheen lagi thi lekin unhonne ise khel ka hissa bataaya. Unhonne kaha, 'Main lambe samay se khel raha hoon aur bhaagyashaali bhi hoon. Kuchh avsaron par main out tha lekin mujhe not out diya gaya. Yah khel ka hissa hai. Mujhe koi khed naheen hai. '

Top-2 Mein Pahunchana Behad Mushkil Ho Gaya Hai Dravid https://www.angrejinews.com/pic/8791