Tooji Maamale Mein Audio Rikaurding Ke Peechhe Corporate Pratidvandvita Sootr

Business »

Tooji Maamale Mein Audio Rikaurding Ke Peechhe Corporate Pratidvandvita  Sootr

Nai Delhi: CBI ke barkhaast abhiyojak AK Singh aur 2ji maamale ke aaropi evam yoonitek ke prabandh nideshak sanjaya chandra ki kathit baatcheet vaale tape ki rikaarding ke peechhe door sanchaar kshetr mein maujood corporate pratidvandvita ka haath hai. Aadhikaarik sootron ne yah jaankaari di. Sootron ne yah bhi kaha ki seedi ki fauresink jaanch mein ise praamaanik bataaya gaya hai. Is seedi mein kathit taur par Singh aur chandra 2ji maamale ko kamjor karne ke upaayon par charcha kar rahe the. Sootron ne vivaadaaspad tape ka ullekh karte hue kaha ki yah corporate pratidvandvita ka nateeja hai. Unhonne kaha ki ab tak ki jaanch mein isne 2ji maamale ko kisi bhi tarah se nuksaan naheen pahunchaaya hai. CBI is mudde par uchchatam nyaayaalaya mein report pesh karegi. Is audio tape ke saamane aane ke baad CBI ne 2ji maamale se Singh ko hata diya tha. Audio tape ke leek hone ke peechhe 2ji maamale mein corporate pratidvandvita ka haath hone ke sandeh mein CBI ne shukravaar ko apne hi adhikaariyon se poochhataachh ki thi taaki is baat ka pata lagaaya ja sake ki kya Singh ne adaalat mein mukadame ki sunavaai ke dauraan unhein koi soochana dabaane ko kaha tha. Isse ek din pehle CBI ne apni abhiyojan team ke anya sadasyon se poochhataachh ki thi. Jaanch agency ne audio tape ki praamaanikta ki jaanch ke liye ise keindreeya forensic vigyaan prayogashaala ko bheja tha.

Tooji Maamale Mein Audio Rikaurding Ke Peechhe Corporate Pratidvandvita Sootr https://www.angrejinews.com/pic/2146