. . . To Pakistan Ko Jammu-Kashmir Kyon Naheen Saunp Dete AGP

Breaking »

. . . To Pakistan Ko Jammu-Kashmir Kyon Naheen Saunp Dete AGP

nai Delhi. . Kya Jammu-Kashmir Pakistan ko saunp dena chaahiye? Yah savaal mangalvaar ko sansad bhavan mein asam ke kuchh saansadon ne uthaaya. Bangladesh ko bhaarateeya bhoobhaag diye jaane se naaraaj asam gan parishad (ejeepi) ke ek saansad ne kaha ki agar sarkaar Bangladesh ko jameen day rahi hai to, use Pakistan ko Jammu-Kashmir saunp dena chaahiye. Bhaarateeya bhoobhaag diye jaane vaale bill ka virodh karte hue ejeepi ne kaha ki isse raajya mein alagaavavaadi aandolan shuroo ho sakta hai jo desh ke hit mein naheen hai. Ejeepi ke saansad Kumar deepak das ne sansad bhavan kainpas mein samvaadadaataaon se kaha, 'Agar sarkaar Bangladesh ko jameen day rahi hai to, use kuchh Pakistan ko bhi Jammu-Kashmir day dena chaahiye. Jab aap Jammu-Kashmir Pakistan ko naheen saunp rahe hain to, asam mein aisa kyon? ' das ne kaha, 'Bill se alagaavavaadi aandolan shuroo hoga. Yahi vajah hai ki ham iska virodh kar rahe hain. ' unhonne kaha ki vah sansad mein is bill ko pesh naheen hone deinge. Ejeepi ke hi ek anya saansad Virendra prasaad vaishya ne kaha, 'Yah sirf asam ka mudda naheen hai. Yah desh ka mudda hai aur desh ki samprabhuta se juda huaa hai. ' unhonne daava kiya ki yah bill asam ke hit mein naheen hai. Raajaneetik laabh ke liye ise laaya ja raha hai. Bill faadne ki koshish Rajyasabha mein us samay naatakeeya ghatna dekhne ko mili jab videsh mantri Salman khursheed Bhaarat aur Bangladesh ke beech hue samjhaute se sambandhit ek bill sadan ke patal par rakhane ko khade hue aur ejeepi saansadon ne unase usaki prati chheenane ki koshish ki. Dopahar 12 baje jab sadan ki baithak shuroo hui. Pradhaanamantri, kaanoon mantri aur rel mantri ke isteefe ki maang kar rahe bhaarateeya janta party (BJP) ke sadasyon ke hangaame ke beech upasabhaapati pi. J. Kuriyan ne samvidhaan sanshodhan (119vaan sanshodhan) bill pesh karne ke liye videsh mantri Salman khursheed ka naam pukaara. Bill ka virodh karte hue ejeepi ke saansad Virendra prasaad vaishya aur Kumar deepak das apne haathon mein koi kaagaj laharaate hue videsh mantri ki or badhe aur unke kaafi najadeek pahunch gaye. Rajiv shukla sahit Congress ke kai anya sadasyon ne ejeepi ke donon saansadon ko videsh mantri ke paas tak pahunchane se rok diya. Is dauraan khursheed bill sadan mein pesh kiye jaane ki prakriya poori kiye bina hi apni seat par baith gaye aur isi hangaame mein kuriyan ne sadan ki baithak dopahar do baje tak ke liye sthagit kar di. Khursheed jo bill pesh karne ja rahe the vah Bhaarat dvaara kuchh kshetron ka adhigrahan aur kuchh kshetron ka Bangladesh ko sthaanaantaran kiye jaane se juda huaa tha. Isko lekar donon deshon ke beech bahut pehle samjhauta ho chuka hai. Ejeepi saansadon ne samvaadadaataaon se kaha ki ve is bill ka virodh kar rahe hain kyonki isse raajya mein alagaavavaadi aandolan shuroo hone ka khatra hai jo desh ke hit mein naheen hai. Unhonne aarop lagaaya ki yah bill asam ke hit mein naheen hai aur isse raajya ka ek bada kshetr Bangladesh ke paas chala jaaega.

. . . To Pakistan Ko Jammu-Kashmir Kyon Naheen Saunp Dete AGP https://www.angrejinews.com/pic/7956