Tiruvanantapuram Mandir Mein Ghaayal Hue Congress Saansad Shashi Tharoor, Lage 11 Taanke

Breaking »

Tiruvanantapuram Mandir Mein Ghaayal Hue Congress Saansad Shashi Tharoor, Lage 11 Taanke

Tiruvanantapuram Poorv keindreeya mantri aur Congress saansad shashi tharoor somvaar ko ek mandir mein darshan karne ke dauraan ghaayal ho gaye. Tharoor tiruvanantapuram ke ek mandir mein pooja-archana ke liye pahunche the aur isi dauraan unhein chot lag gayi. Haalaanki ganeemat yeh rahi ki tharoor ko koi gambhir chot naheen I hai. Bata dein ki Congress ne tharoor ko ek baar fir tiruvanantapuram seat se Loksabha chunaav mein utaara hai. Apne prachaar abhiyaan se pehle tharoor ek mandir mein darshan ke liye pahunche the. Isi dauraan achaanak vah gir pade aur unako sir mein chot lag gayi. Is ghatna ke baad mandir mein afraatafri ke haalaat ho gaye. Tharoor ko fauran ilaaj ke liye aspataal le jaaya gaya. Praathamik ilaaj ke baad tharoor ke sir mein 11 taanke lagaae gaye. Doctoron ka kehna hai ki unki haalat khatre se baahar hai. Padhein: Tiruvanantapuram mein tharoor ke liye karo ya maro ki jang Tiruvanantapuram seat se fir Loksabha chunaav lad rahe varishth Congress neta shashi tharoor ne kuchh din pehle party haaikamaan ko patra likhkar shikaayat ki thi ki sthaaneeya party neta unke prachaar abhiyaan mein ruchi naheen le rahe hain. Yeh saamane aaya hai ki shashi tharoor ke chunaav prachaar mein unke nirvaachan kshetr ki 23 mandalam samitiyaan hissa naheen le rahi theen. Unhonne ek mandalam committee ke adhyaksh ka naam bhi bataaya jisne tharoor ke 16 baar call karne par bhi javaab naheen diya. Padhein: Tharoor ko apne netaaon se hi naheen mil raha samarthan Tharoor is baat se bhi naaraaj hain ki ek vidhaayak aur ek poorv vidhaayak jinhein prachaar ki mahatvapoorn jimmedaari di gayi thi, unhonne achaanak apni sakriyta kam kar di. Kayaas yeh bhi lagaae ja rahe hain ki kuchh mandalam committee ke adhyaksh BJP ke saath haath mila chuke hain aur is vajah se Congress camp ka badi sankhya vote katane ki sambhaavana hai. Is seat se do baar Congress ke saansad chune gaye tharoor ka mukaabala BJP neta aur mijoram ke poorv raajyapaal kummaanem raajashekharan aur CPI vidhaayak si divaakaran se hai. Kuchh mat sarvekshanon mein bhi bhavishyavaani ki gayi hai ki yahaan trikoneeya mukaabale mein maahaul tharoor ke paksh mein banta najar naheen aa raha hai. Tharoor is seat se pehli baar 2009 mein chunaav lade the. Us baar unhein ek lakh se teen mat kam mile the, lekin 2014 mein vah lagbhag 15,000 maton ke antar se jeete.

Tiruvanantapuram Mandir Mein Ghaayal Hue Congress Saansad Shashi Tharoor, Lage 11 Taanke https://www.angrejinews.com/pic/268026