'Time Ki List Mein Bhaarat Se Sirf Arvind Kejriwal Ka Naam Kyon

Breaking »

'Time Ki List Mein Bhaarat Se Sirf Arvind Kejriwal Ka Naam Kyon

Nai Delhi. . Mashahoor ameriki patrika 'Time' ne is saal ke liye duniya ke 100 prabhaavashaaliyon logon ki list taiyaar karne ki prakriya shuroo kar di hai. List mein kul 153 logon ke naam hain, jin par online voting ki ja rahi hai. 12 April tak chali voting ke aadhaar par aur 'Time' ke sampaadak 100 logon ki ek list taiyaar kareinge, jise 18 April ko jaari kiya jaaega. Bhaarat se keval Arvind Kejriwal ka naam hai. Janlokpal ke liye hue aandolan se charchit hue Arvind Kejriwal in dinon mein Delhi mein bijli aur paani ke jyaada bilon ke khilaaf anashan kar rahe hain. Filhaal voting mein Arvind Kejriwal chauthe number par chal rahe hain. Jaahir hai, pol mein Arvind Kejriwal ko achha samarthan mil raha hai. Unhein ameriki prejideint Barack Obama se paanch guna jyaada vote mile hain. Haalaanki, is par bhi savaal uth rahe hain ki Bhaarat se list mein sirf Arvind Kejriwal ka chayan kis aadhaar par kiya gaya hai. 153 logon ki list mein Syria ke raashtrapati bashar al asad, ijipt ke prejideint mohammad morsi, Amreeki raashtrapati Barack Obama ki patni Michelle Obama aur Pakistan ki malaala yusufajai ke naam bhi hain. Mohammad morsi 29 hajaar voton ke saath top par chale rahe the. 'Time' pichhle kai saalon se duniya ke prabhaavashaali logon ki list nikaal raha hai. Pichhle saal bausket baul khilaadi jeremi lin ko sabse prabhaavashaali maana gaya tha. Varsh 2010 mein Brazil ke raashtrapati loola di silva aur 2011 mein vail gohim sheersh par rahe the.

'Time Ki List Mein Bhaarat Se Sirf Arvind Kejriwal Ka Naam Kyon https://www.angrejinews.com/pic/3860