Tihaad Mein Kaidiyon Ne Ki Manoj Ki 'Marammat

Breaking »

Tihaad Mein Kaidiyon Ne Ki Manoj Ki 'Marammat

vishaal aanand nai Delhi. . 5 saal ki bachchi ke saath haivaaniyt ki saari hadein todne vaale darinde manoj ki der raat tihaad jail mein ghigghi bandh gayi. Jis jail number 8 mein manoj ko pahunchaaya gaya, vahaan pehle se bledabaaji ke liye kukhyaat kaidi band hain. Jail sootron ke mutaabik, raat kareeb saadhe gyaarah baje kaidiyon ne manoj ki pitaai kar daali. Kaidi us par toot pade aur theek-thaak 'Marammat' kar di. Pahara day rahe suraksha karmiyon ne beech-bachaav karke kaidiyon ke changul se manoj ko chhudaaya. Manoj ko tihaad laaya gaya tab vah bahut dara huaa tha, chehare par khauf jhalak raha tha. 16 December vasant vihaar gang-rape ke aaropiyon ki jail mein aae din jamkar pitaai ke baare mein manoj bakhoobi jaanta tha. Gang-rape jaise ghinaune aparaadh ko anjaam dene vaale shakhs ka tihaad ke kaidi kis tarah 'Svaagat' karte hain yah Ram Singh, vinaya sharma aur anya aaropiyon ki pitaai se manoj ko Delhi mein rahate hue achhi tarah maaloom ho chuka hai. Ravivaar ko jab tihaad ke jail number 8 mein jaise hi manoj ki entry hui uske chehare ki havaaiyaan udi hui theen. Jail sootron ne bataaya ki Gandhi nagar mein bachchi ke saath jo kuchh huaa usase tihaad ke kaidiyon mein ubaal tha. Bachchi ke saath hui is khaufanaak vaaradaat se tihaad ke kaidi media ke jariye vaakif ho chuke the. Jail ke kaidiyon mein bachchi se gang-rape ki charcha behad joron se thi. Haalaanki, jail prashaasan aaropi manoj ke oopar khatre ko lekar pehle se aagaah hai. Ram Singh ki sandigdh khudakushi maamale ke baad ab manoj ki suraksha ko lekar jail prashaasan ki neend udi hui hai.

Tihaad Mein Kaidiyon Ne Ki Manoj Ki 'Marammat https://www.angrejinews.com/pic/6364