Tihaad Jail Mein Band Arvind Kejriwal Ne Likhi Chitthi

Breaking »

Tihaad Jail Mein Band Arvind Kejriwal Ne Likhi Chitthi

Budhvaar ko Patiala house court ke baahar Arvind Kejriwal (file chitr) Budhvaar ko Patiala house court ke baahar Arvind Kejriwal (file chitr) Nai Delhi: maanahaani ke ek maamale mein jail mein band aam aadmi party ke sanyojak aur Delhi ke poorv mukhyamantri Arvind Kejriwal ne aaj tihaad jail se logon ko chitthi likhi hai. Is chitthi mein Kejriwal ne kaha hai ki unki ladaai bhrashtaachaar ke khilaaf hai aur hamesha jaari rahegi. Is patra mein Kejriwal ne yeh bhi likha hai ki vah aparaadhi naheen hain aur jamaanat naheen bhareinge aur jail mein rahana pasand kareinge. chitthi mein Arvind Kejriwal ne likha hai, 'Mainne BJP ke poorv adhyaksh ke bhrashtaachaar par savaal khada kiya tha. Vah baahar hain, par main jail mein hoon. Mujhe bail lene ko kaha gaya, main bail kyon loon. Main mujarim naheen hoon. Mujarim to ye bhrashtaachaari hain, unhein jamaanat leni chaahiye. ' is chitthi mein Kejriwal ka hastaakshar hai aur likha hai 'Kaidi number 3642, jail number 4, tihaad. ' Kejriwal ka yeh patra party ke varishth neta maneesh sisodiya ne kaaryakartaaon ki baithak mein padh kar sunaaya. Yeh baithak ek sthaaneeya adaalat dvaara Kejriwal ki nyaayik hiraasat ki avadhi 6 June tak badhaae jaane ke baad party ki rananeeti tay karne ke liye bulaai gayi thi. chitthi mein Kejriwal ne kaha hai 'Mere khilaaf maanahaani ke kai maamale hain, lekin kisi mein bhi mujhse jamaanat ke liye naheen kaha gaya, kyonki main aparaadhi naheen hoon. Is maamale mein, mainne socha ki mujhe raahat milegi, lekin mujhe jamaanat dene ke bajaay adaalat ne mujhe jail bhej diya. Ab main tihaad jail mein hoon aur mere dimaag mein savaal uth rahe hain ki aam aadmi bhrashtaachaar se kaise ladega? ' unhonne kaha ki bhrashtaachaar ke khilaaf ladaai mein, vah bhookhe rahe, police ki laathiyaan khaain, apamaan saha aur ab 'Tihaad. . '. chitthi mein unhonne likha hai 'Meri taakat sirf aur sirf aap hain. Krupaya mere liye praarthana keejiye. ' party ne logon ko Kejriwal ke rukh se avagat karaane aur chitthi ki pratiyaan poore shahar mein vitrit karne ke liye 'Sankalp sabhaaen' karne ka nirnaya kiya hai. gaurtalab hai ki Kejriwal nitin gadkari ki maanahaani ke maamale mein aaj bhi bail bond bharne se inkaar kar diya, jiske baad Patiala house court ne unhein dobaara 6 June tak ke liye nyaayik hiraasat mein tihaad jail bhejane ka aadesh de diya. Adaalat ne kaha ki vah pehle ke aadesh ko naheen badlegi aur agar Kejriwal chaahein to ise oopari adaalat mein chunauti de sakte hain. Is par Kejriwal ne nichli adaalat mein jamaanat naheen milne ke khilaaf Delhi High Court mein appeal karne ka faisala liya hai. is maamale ki sunavaai ke dauraan adaalat ne aaj Kejriwal se fir poochha ki unhein muchalaka bharne mein kya pareshaani hai jabki yeh sirf ek halafnaama hai. Adaalat ne kaha, Kejriwal ke liye adaalat alag prakriya naheen chala sakti. Kejriwal ne ek baar fir niji muchalaka na bharne ki baat kahi aur adaalat se appeal ki ki unhein sirf halafanaame par riha kiya jaae. isse poorv, Patiala house court ne Budhvaar ko Kejriwal ko 10,000 rupaye ka bail bond na bharne ke baad do din ki nyaayik hiraasat mein tihaad jail bhej diya tha, jiske baad shaam ko aam aadmi party ke samarthakon ne tihaad jail ke baahar jamkar pradarshan kiya tha. Police ne etiyaatan tihaad jail ke aaspaas dhaara 144 laga di thi, lekin iske baavajood Kejriwal ke samarthak tihaad jail ke baahar dharane par jabaran baithe rahe. aam aadmi party ne Kejriwal ki giraftaari ke baad BJP ke poorv adhyaksh nitin gadkari ke khilaaf kathit bhoomi ghotaale ko lekar jan jaagrukta abhiyaan shuroo karne ka faisala kiya hai. 'Aap' ne kaha, party kisi bhi aise neta ko janta ki najar se naheen bachane degi, jo bhrashtaachaar mein shaamil hai aur vah bhrashtaachaar ke khilaaf ladaai mein apne raashtreeya sanyojak Arvind Kejriwal ke saiddhaantik rukh ke saath poori tarah khadi rahegi. Party sootron ka kehna hai ki gadkari ke khilaaf ghar-ghar jaane ka abhiyaan pehle hi shuroo kiya ja chuka hai.

Tihaad Jail Mein Band Arvind Kejriwal Ne Likhi Chitthi https://www.angrejinews.com/pic/51535