Tihaad Jail Ke Baahar Dhaara 144 Laagoo

Breaking »

Tihaad Jail Ke Baahar Dhaara 144 Laagoo

File photo File photo Nai Delhi: aam aadmi party (aap) samarthakon ke pradarshan ko dekhte hue Delhi sthit tihaad jail ke baahar guruvaar ko dhaara 144 laagoo kar di gayi hai. Aap samarthak party neta Arvind Kejriwal ko nyaayik hiraasat ke tahat jail bheje jaane ke khilaaf tihaad ke baahar pradarshan kar rahe the. police ne guruvaar ko yeh jaankaari di. pratibandh ko dekhte hue Delhi police ki do companiyaan jail parisar ke baahar tainaat kar di gayi hain. Naakebandi ke atirikt anya suraksha upaaya apanaae ja rahe hain. Delhi police ke upaayukt ranaveer Singh ne kaha, "Tihaad jail ke baahar atirikt police bal tainaat kiye gaye hain kyonki hamein aashanka hai ki aap samarthak guruvaar ko bhi pradarshan kareinge. " party ke varishth netaaon Yogendra Yadav aur maneesh sisaudiya sahit aap ke kai samarthakon ko pradarshan ke baad police ne hiraasat mein le liya tha.

Tihaad Jail Ke Baahar Dhaara 144 Laagoo https://www.angrejinews.com/pic/51396