Ti-20 Praaroop Ne Cricket Ko Naya Jeevan Diya Rirchads

Cricket »

Ti-20 Praaroop Ne Cricket Ko Naya Jeevan Diya Rirchads

Mumbai. . West Indies ke diggaj ballebaaj sar viv richrds ko ek baar dar sataane lag gaya tha ki stadium mein darshakon ki bhaari kami ke kaaran test cricket dheemi maut mar jaaega lekin ab unka maanana hai ki twenty-20 praaroop ke aane se is khel ka nai jindagi mili hai. Richrds ne kaha, 'Ek baar mujhe lag raha tha ki poori duniya visheshakar Bhaarat mein test cricket khatm hota ja raha hai. Duniya mein test maichon mein sabse adhik upasthiti Bhaarat mein hoti thi aur ismein badi teji se kami I hai. ' unhonne yahaan ek kaaryakram ke dauraan kaha, 'Ti-20 cricket bhale hi khel ka chhota praaroop ho lekin yah hai to cricket hi. Isne cricket ko nai jindagi di hai. Kuchh aise log hain jo test maichon ka pasand karte hain aur kuchh logon ki pasand nishchit taur par ti-20 cricket hai. Ti-20 cricket ke jitne adhik prashansak hain use dekhkar mujhe lagta hai ki yah khel ke liye kaafi faayademand hai. ' test cricket hai best apne yug ke visfotak ballebaaj richrds ne kaha ki unke liye test cricket hamesha sarvochch rahega tatha isko samajhne aur jaanane ke liye yuva peedhi ko lambe praaroop ki kathorata se gujarana hoga. Unhonne kaha, 'Sabhi prashaasakon aur sanchaalan sansthaaon ko ab pata chal gaya hai ki aage badhne ke liye aam samajh honi chaahiye. Yadi aapko khel samajhna hai to iske liye sabse behatareen praaroop ki jaroorat padegi aur jo ki test cricket hai. Aap ise badal naheen sakte. Mere vichaar mein test cricket sarvochch hai. ' Delhi Daredevils team ke salaahakaar richrds ne kaha, 'Yuva khilaadiyon ko test match se khel ko samajhna chaahiye. Jab ve usamein safal raheinge to unke liye baaki raaste bhi khul jaaenge. Ve IPL, big bash aur duniya bhar mein safal ho sakte hain. 'Kohli hain sar richrds ke fevarit richrds ne kaha ki unhein bhaarateeya up-kaptaan viraat Kohli ki maidaan par aakraamakata pasand hai tatha jise adhiktar log unka ahankaar maanate hain asal mein vah unka aatmavishvaas hai. Unhonne kaha, 'Mera hamesha maanana raha hai jise aap ahankaar maanate ho main use aatmavishvaas maanata hoon. Viraat Kohli mein aisi aakraamakata hai ki chaahe mujhe kisi ka bhi saamana karna ho, mujhe apna kaam karna hai. Shuruaat karne ke baad jitni jaldi ho sakte apni upasthiti darj karaana mahatvapoorn hai. ' West Indies ko 1970 ke dashak mein sabse majaboot team maana jaata tha aur richrds ne kaha ki Australia daure ke baad unki match jeetne ke prati pratibaddhata badhi. Australia mein jaana 'Jeintalamens game' ko unhonne kaha, 'Mere pitaaji mujhse kaha karte the cricket jeintalamens game hai lekin mujhe jald hi Australia mein pata chal gaya ki aisa naheen hai. Ham 5-1 se haar gaye the. Hamaara majaak udaaya jaata tha. Tab klaaiv laayad ne faisala kiya ki ab bahut ho chuka hai. Hamein in logon ko dekhna hoga. Yadi hamein kuchh aise khilaadi mil jaaen jo hamein achhi shurooaat day sakte hain to fir ham dekh leinge ki ve kya chaahate hain. ' richrds ne kaha, 'Hamein 1975 mein aise khilaadi mil gaye aur iske baad humne peechhe mudkar naheen dekha. Yah bada dilchasp tha ki jo log hamaari majaak udaate the ab vahi apne chehare chhipaane ki jagah dhoondh rahe the. Australia ke khilaaf hamaari series bahut majedaar theen. Hamaare paas Michael holding, Andy raabarts, mailakam maarshal aadi the aur khel ka sampoorn pahaloo badal gaya tha. '

Ti-20 Praaroop Ne Cricket Ko Naya Jeevan Diya Rirchads https://www.angrejinews.com/pic/8093