Thok Mudraasfeeti April Mein Ghatkar 5.2 Pratishat

Breaking »

Thok Mudraasfeeti April Mein Ghatkar 5.2 Pratishat

Nai Delhi: sabji, anya khaadya vastuon evam indhan ki keematon mein giraavat se April maah mein thok mudraasfeeti ghatkar 5.2 pratishat par aa gayi. Reserve bank ki agale maah ki maudrik neeti sameeksha se pehle mahangaai dar neeche I hai. thok moolya soochakaank aadhaarit mudraasfeeti March mein 5.7 pratishat par thi. Guruvaar ko jaari jaari aankadon ke anusaar khaadya vastuon ke varg ki mudraasfeeti April mein 8.64 pratishat rahi, jo March mein 9.9 pratishat thi. Pyaaj ka daam April mein 9.76 pratishat ghata. Isse poorv maah mein ismein 1.92 pratishat ki teji I thi. anda, machhali tatha maans ki manhagaai dar 9.7 pratishat par aa gayi, jabki March mein yeh 11.9 pratishat thi. Haalaanki is dauraan aaloo ke bhaav mein teji I, lekin kul milaakar sabjiyon ke maamale mein mudraasfeeti April mein kam hokar 1.34 pratishat rahi, jo March mein 8.57 pratishat thi. April mein isse poorv maah ke mukaabale falon ke daam mein bhi maamooli teji I. thok moolya soochakaank aankadon ke anusaar indhan tatha bijli khand ke saath cheeni aur khaadya tel samet vinirmit vastuon ke samooh mein bhi mahangaai dar naram hui hai. Indhan tatha bijli khand mein keemat star saalaana aadhaar par 8.93 pratishat ooncha raha, jabki March mein is varg ki mudraasfeeti 11.22 pratishat thi. Pichhle dinon jaari aankadon ke anusaar upabhokta moolya soochakaank aadhaarit mudraasfeeti April mein badhkar teen maheene ke uchch star 8.59 pratishat par aa gayi hai.

Thok Mudraasfeeti April Mein Ghatkar 5.2 Pratishat https://www.angrejinews.com/pic/50638