The Eksapoj

Movies »

The Eksapoj

Chandramohan sharmaapichhle dinon enabeeti se ek interview mein is film ke pradyoosar-aiktar himesh reshamiya ne kabool kiya tha ki unhein myoojik ke saath-saath aikting karne ka junoon kuchh jyaada hi hai. Shaayad yaheen vajah hai ek ke baad ek lagaataar kai flop filmein dene ke baavajood himesh ka hero banane ka junoon jara bhi kam naheen hua. Haan, is baar unhonne bataur hero apni film ke liye kuchh jyaada vakt jaroor liya aur aisa sabjekt chuna jismein unhein laga ki vah leed kirdaar mein fit ho sakte hain. Shaayad himesh bhi is sachaai ko achhi tarah se jaante hain ki bollywood filmon mein unka chehara har rol mein fit naheen ho sakta. Aise mein himesh apne liye aisa hi sabjekt chunate hain, jismein vah bataur leed kirdaar khud ko fit kar sake. Kuchh yaheen najaara is shukravaar ko release hui unki is film mein bhi najar aata hai. Is film ke director anant mahaadevan ko bhi aikting ka shauk hai. Aise mein unhonne apni is film ke hero, yaani himesh ke luk aur unke kirdaar par kuchh jyaada hi dhyaan diya. Barso se box office par kaumidi, love story ya suspense thriller filmein apni laagat batorane ke saath-saath pradyoosar ke liye bhi kamaai ka sauda bani hain. Himesh ne bhi is baar yaheen daanv khela hai, lekin do ghante ki yeh suspense film darshakon ko agar shuroo se ant tak baandh naheen paati, to ise yakeenan director ki kamjori kaha jaaega. Kahaani: Glaimar industry ki do aiktreses- chaandani (joya afaroj) aur jaara (sonaali Raut) ki prafeshanal ladaai media ki aksar surkhiyon mein rahati hai. Ittafaak se in donon hiroinon ki filmein release hone ko taiyaar hai. Chaandani staarar 'Reena mera naam' ki takkar jaara ki leed bhoomika waali film 'Ujjval sheetal nirmal' se honi hai. Box office par in donon filmon mein se chaandani staarar 'Reena mera naam' ko darshak aur critics jyaada pasand karte hain aur is film ko achha rispauns milta hai. Kuchh dinon baad in donon ki ladaai ek award fankshan ki party mein kait faait mein badal jaati hai. Is party ke baad hotel ki chauthi manjil se girne ki vajah se jaara ki maut ho jaati hai. Har koi is udhedbun mein laga hai ki kya jaara ne film na chal paane ki vajah se aatmahatya to naheen kar li! Vaheen, kuchh log ise hatya ka maamala maan rahe hain aur aise logon ke shak ki sui chaandani ki or jaati hai. Is case ka ek khaas gavaah aiktar ravi Kumar (himesh reshamiya) hai, jo jaara ko dil se pyaar karta hai. Jaara ki hatya ke shak ki sui director subba Rao (anant mahaadevan), jaara ke ex bauyafreind keni daamaniya (Honey Singh) ke saath-saath aur kai logon par hai. Aikting: Is baar himesh reshamiya ne apne kirdaar ko bas theek-thaak nibhaaya hai. Honey Singh ne bhi apni or se to kuchh achha karne ki koshish ki, lekin kam aur luk ke maamale mein vah apne kirdaar ki kasauti par khara naheen utar paae. Haan, ek film director ke kirdaar mein anant mahaadevan ne prabhaavit kiya hai. Joya aur sonaali ne bas apne kirdaar ko nibha bhar diya hai. Daayarekshan: Anant mahaadevan director ki kamaan theek se naheen sanbhaal paae. Kareeb do ghante ki film ka bada hissa unhonne kirdaaron ke baare mein hi laga diya. Bikhri hui script aur kamjor nirdeshan kahaani aur kirdaaron ke saath darshakon ko poori tarah se jod naheen paati. Haan, anant ne kahaani ke suspense ko kuchh had tak klaaimaiks tak banaae rakha hai, lekin agar aap jara gaur se dekhein, to aap suspense pehle hi jaan paaenge. Sangeet: Release se pehle film ke kai gaane yangastars mein hit hai. Ice-cream khaaoongi, Kashmir jaaoongi, dard dilon ke kam ho jaate aur hai apna dil to aavaara pehle se yangastars ki jubaan par hai. Kyon dekhein: Agar singar Honey Singh aur himesh reshamiya ke jabardast fan hain, to ek baar dekh sakte hain. Lekin yaad rahe, humne in donon ko singar kaha hai, aiktar naheen.

The Eksapoj https://www.angrejinews.com/pic/50740