Thard Frant Patanaayak Bole, Vet End Vauch

India »

Thard Frant Patanaayak Bole, Vet End Vauch

pramukh samvaadadaata. Nai Delhi aam chunaav se pehle thard frant ki sugabugaahat ke beech Orissa ke mukhyamantri aur Biju janta dal ke adhyaksh naveen patanaayak ne guruvaar ko kaha -vet end vauch. Guruvaar ko naveen patanaayak ne kaha, is sambandh mein koi faisala karne se pehle sthiti par najar rakh rahe hain aur dekhna hoga ki kis prakaar cheejein aage badhti hain. Beejedi Orissa mein 2009 mein hue vidhaanasabha chunaavon ke pehle NDA se alag ho gaya tha. Pichhle dinon neeteesh Kumar ne bhi sanket diya tha ki 2014 ke Loksabha chunaav mein unke aur naveen patanaayak jaise pichhde raajyon ke CM ki bhoomika nirnaayak hogi. Vaheen mulaayam Singh Yadav ne Maharashtra mein ek janasabha mein kaha tha ki UP, mahaaraasht aur Bihar jaise raajya agale chunaav mein nirnaayak bhoomika nibhaaenge aur unke ek manch par aane ka vakt aa gaya hai. In sab raajaneetik gatividhi ke beech filhaal naveen patanaayak ka yah bayaan mahatvapoorn maana ja raha hai. Naveen patanaayak ne pichhle saal raashtrapati chunaav mein Tamil Nadu ki CM jayalalita ke saath sanyukt ummeedavaar ko utaarakar nae raajaneetik gathajod ka sanket diya tha. Naveen patanaayak ne Congress aur BJP donon se samaan roop se doori rakhakar apni raajaneeti ki hai. Loksabha mein beejedi ki filhaal 14 seatein hain. Vaheen Jaipur chintan shivir mein Congress ke rananeetikaaron ne naveen patanaayak aur neeteesh Kumar ko ek sambhaavana ke roop mein dekha tha.

Thard Frant Patanaayak Bole, Vet End Vauch https://www.angrejinews.com/pic/3767