Thamati Naheen BJP Mein Aapasi Kalah

Breaking »

Thamati Naheen BJP Mein Aapasi Kalah

Vishesh samvaadadaata. . Nai Delhi BJP ke netaaon ke beech aapasi kalah ki vajah se ab prabhaariyon ki niyukti ka maamala atak gaya hai. Sthiti yah hai ki party aur RSS pratinidhiyon ke beech kheenchtaan shuroo ho gayi hai. Iske alaava, sangh ke pratinidhi bhi aapas mein is kadar ulajh gaye hain ki party ke netaaon ko samajh mein naheen aa raha ki ve sangh ke kis pratinidhi ko tavajjo dein. Yahi vajah hai ki rananeeti banaane se lekar prabhaariyon ke chayan tak ko lekar aam rai naheen ban pa rahi hai. Aapas mein ulajhe sangh pratinidhi party sootron ka kehna hai ki sthiti yahaan tak pahunch gayi hai ki kuchh din pehle hui baithak mein sangh ke pratinidhi aapas mein ulajh pade. Nateeja yah huaa ki prabhaariyon ki jo list taiyaar ki gayi thi, use filhaal radd karna pada hai. Daraasal, BJP mein ek mahaasachiv sangh ka pratinidhi hota hai aur use sangathan mahaasachiv ka darja mila hota hai. Keindreeya star ke alaava raajyon mein bhi ek-ek sangathan mahaasachiv hota hai. Party mein choonki inhein hi sangh ka pratinidhi maana jaata hai, isliye ye jyaada taakatavar hote hain. Kaafi dinon se chal rahi hai kheenchtaan party sootron ka kehna hai ki sangathan mein yah kheenchtaan kaafi vakt se chal rahi thi. Iski vajah yah thi ki party mein sangh ke ek pratinidhi kisi neta ko mahaasachiv banaane ke paksh mein the, lekin sangh ke hi doosare pratinidhi iske liye taiyaar naheen the. Isse sangh ke ek pratinidhi to itne naaraaj hue ki unhonne BJP chhodkar vaapas sangh mein jaane ki dhamaki day di, haalaanki BJP netaaon ne unhein mana liya. Us vakt Rajnath Singh ne apni team ka ailaan kar diya, isliye yah maamala vaheen shaant ho gaya. Prabhaariyon ki list par vivaad maamala dobaara se tab uth gaya, jab prabhaariyon ki list taiyaar ki gayi. Is list ko lekar party mein hi vivaad khada ho gaya. Nateeja yah huaa ki party adhyaksh Rajnath Singh ko is list ko ain mauke par rokana pada. Maamala tab aur bhadka, jab pichhle saptaah hui baithak mein yah sujhaav diya gaya ki har kshetr mein ek paryavekshak aur ek prabhaari banaaya jaae. Is par sangh ke hi ek anya pratinidhi ne yah kehkar adnga laga diya ki yah vakt paryavekshak banaane ka naheen, balki raajaneetik kaam karne ka hai. Karnataka ki haar par bhi raar Karnataka assembly chunaav mein mili haar ko lekar bhi BJP neta aapas mein takara rahe hain. Haalaanki Advani khema is haar ke liye seedhe taur par un netaaon ko jimmedaar maan raha hai, jinhonne yedayurappa ke khilaaf kaarravaai karne mein deri ki. Lekin ab virodhi khema bhi aiktiv ho gaya hai. Usaka kehna hai ki Advani khema bhi is haar ke liye jimmedaar hai, kyonki Advani ne anant Kumar ko protekt kiya. Is vajah se yedayurappa ko paati se baahar karne ki naubat aa gayi.

Thamati Naheen BJP Mein Aapasi Kalah https://www.angrejinews.com/pic/8511