Thailand Ki Poorv Pradhaanamantri Ko Hiraasat Mein Liya Gaya, Sena Ne Sudhaar Ki Rooparekha Bataai

Breaking »

Thailand Ki Poorv Pradhaanamantri Ko Hiraasat Mein Liya Gaya, Sena Ne Sudhaar Ki Rooparekha Bataai

File photo File photo Bainkauk: takhtaapalat karne ke ek din baad Thailand ke sainya shaasan ne aaj desh ki poorv pradhaanamantri yingalak shinvaatra aur unke taakatavar vyaapaarik gharaane ke kuchh sadasyon ko hiraasat mein le liya. yingalak (46) aur pichhli sarkaar ke dher saare netaaon ko aaj sena ke saamane pesh hone ke nirdesh diye gaye the. Yingalak ko kai ghanton tak ek sainya ikaai mein rakha gaya aur fir kisi agyaat sthaan par le jaaya gaya. khud ko naya pradhaanamantri niyukt karne vaale thalasena pramukh prayut chaan ocha ne aala adhikaariyon se mulaakaat ki aur desh ke liye apni yojana ka khulaasa kiya. Unhonne unase kaha ki kisi chunaav se pehle sudhaar amal mein aane chaahiye. apne sakht ravaiye ke liye charchit 60 saal ke general ne kaha ki koi chunaav karaae jaane se pehle desh ko aarthik, saamaajik aur raajaneetik kshetron mein bade paimaane par sudhaaron ke daur se gujarane ki jaroorat hai. unhonne kaha, 'Hamein chunaav se pehle avashya hi aarthik, saamaajik aur raajaneetik sudhaar karne chaahiye. Agar sthiti shaantipoorn rahati hai to ham janta ko satta lautaane ke liye taiyaar hain. ' unhonne kaha ki nae prashaasan ki praathamiktaaon mein dhaan ki kheti karne vaale kisaan sabse oopar honge. bainkauk post ki khabar ke mutaabik general ne kaha ki kisaanon ko bhugataan karne ke liye ek bajat banaaya gaya hai. Poorv feeyoo thai party neet sarkaar ki naakaam yojanaaon ke chalte in logon ka karodon bahat (mudra) bakaaya hai. Unhonne kaha ki unka maanana hai ki kisaan 15 se 20 din mein apni rakam paae.

Thailand Ki Poorv Pradhaanamantri Ko Hiraasat Mein Liya Gaya, Sena Ne Sudhaar Ki Rooparekha Bataai https://www.angrejinews.com/pic/51538