Thailand Ke Sena Pramukh Ne Sainya Takhtaapalat Ki Ghoshana Ki

Breaking »

Thailand Ke Sena Pramukh Ne Sainya Takhtaapalat Ki Ghoshana Ki

Bainkaak: Thailand ke sena pramukh ne TV par prasaarit raashtra ke naam sambodhan mein sainya takhtaapalat ki ghoshana ki. Sena pramukh ne ailaan kiya ki desh mein sthirta bahaal karne ke liye takhtaapalat kiya gaya hai. thai sena pramukh praayut cha ocha ne kaha, desh ko jald saamaanya sthiti mein laane ke kram mein sena, thai sainya bal, royal airforce tatha police ki raashtreeya shaanti rakshak samiti ko satta par 22 May shaam 4: 30 baje niyantran karne ki jaroorat hai. Takhtaapalat se do din pehle thai sena ne kaanoon-vyavastha barkaraar rakhane ke liye maarshal law ka ailaan kiya tha. desh mein lambe samay se raajaneetik sangharsh jaari hai. Yeh sankat tab gahra gaya jab poorv pradhaanamantri thaakasin shinaavaatra ke karodpati parivaar ke khilaaf vidrohiyon ne aavaaj buland ki. Shinaavaatra ko sena ne 2006 mein pad se hata diya tha. Unhein uttari Thailand mein abhi bhi bhaari samarthan mil raha hai. Sena pramukh general prayut chaan-O-cha ne mangalvaar ko desh mein maarshal law lagaaya tha. Thailand ki sena ne desh ke haalat ko Ukraine ya misr ki tarah hone se bachaane ke liye maarshal law lagaane ke baad raajaneetik pratidvandviyon ke saath vaarta shuroo ki thi, lekin baatcheet mein koi safalta naheen mili.

Thailand Ke Sena Pramukh Ne Sainya Takhtaapalat Ki Ghoshana Ki https://www.angrejinews.com/pic/51376