Thaane Mein Faansi Lagaane Ki Koshish

India »

Thaane Mein Faansi Lagaane Ki Koshish

bhaasha . Firojaabaad : UP ke firojaabaad jile mein shanivaar ko patni ki maut se dukhi ek vyakti ne thaane mein faansi lagaane ki koshish ki. Police ne bataaya ki basai mohammadapur sthit nagala gokul gaanv ka nivaasi dileep apni laapata patni pooja ke sandigdh shav ki shinaakht karne ke liye thaane aaya tha. Usane kapadon aur gahanon se shav ki pehchaan apni patni ke roop mein ki. Patni ke shav ko dekhkar dileep badahavaas ho gaya aur baar-baar uske paas jaane ki baat kehne laga. Sootron ne bataaya ki isi beech dileep ne aankh bachaakar thaana parisar mein ek jagah faansi lagaane ki koshish ki, lekin policekarmiyon ne use samay rahate dekh liya. Policekarmiyon ne use fande se neeche utaarakar jila aspataal mein bharti karaaya. Haalat naajuk hone ki vajah se use Agra refar kar diya gaya. Doosari taraf, pooja ki sandigdh haalaat mein maut ke maamale mein dileep aur uske parijanon ke khilaaf dahej hatya ka mukadama darj karaaya gaya hai.

Thaane Mein Faansi Lagaane Ki Koshish https://www.angrejinews.com/pic/6982