Thaane Mein Band Shuroo, Bason Ko Nuksaan Pahunchaaya Gaya

Breaking »

Thaane Mein Band Shuroo, Bason Ko Nuksaan Pahunchaaya Gaya

thaane. . Thaane mein vaikalpik vyavastha muhaiya karaae bina avaidh nirmaan tode jaane ke virodh mein bade raajaneetik dalon ke aahvaan par guruvaar ko band aayojit kiya gaya hai. Police ne bataaya ki band ki shurooaat mein kuchh logon ne kam se kam 12 bason mein todfod ki. Congress, enaseepi aur shivsena ne thaane nagar nigam dvaara avaidh nirmaan giraae jaane ke virodh mein guruvaar ko din bhar ke band ka aahvaan kiya hai. In dalon ki maang hai ki avaidh nirmaan giraane ke kaaran visthaapit hone vaalon ko vaikalpik aavaas muhaiya karaae jaane chaahiye. Police ne bataaya ki shahar ke alag alag ilaakon mein agyaat vyaktiyon ne bason par patharaav kiya. Kshatigrast hui 12 bason mein se kam se kam aath basein thaane myoonisipl transport (teeemati) ki hain aur shesh raajya sarkaar ki basein hain. Maharashtra navanirmaan sena aur BJP ko chhod kar anya raajaneetik dal band mein shaamil hain. Guruvaar ko sarkaari basein aur auto naheen chale jisse logon ko, khaas kar subah office jaane vaalon ko dikkat hui. Dukaanein aur anya kaarobaari pratishthaan bhi band hain. Is beech, police ne ek vyakti ko hiraasat mein liya hai. Yah vyakti anya logon ke saath thaane nagar police thaana kshetr mein sarkaari bason ke taayaron ki hava nikaal raha tha.

Thaane Mein Band Shuroo, Bason Ko Nuksaan Pahunchaaya Gaya https://www.angrejinews.com/pic/5966