Test Ki Tarah One-day Mein Bhi Safal Ho Sakte Hain Pujaara Dravid

Cricket »

Test Ki Tarah One-day Mein Bhi Safal Ho Sakte Hain Pujaara  Dravid

Nai Delhi. . Poorv kaptaan Rahul Dravid ne Bhaarat ki nayi run machine cheteshvar pujaara ko ekadivseeya team mein bhi shaamil karne ki vakaalat karte hue kaha ki Saurashtra ka yah ballebaaj test maichon ki tarah one-day cricket mein bhi safal ho sakta hai. Pujaara ko shuroo se hi Dravid ka uttaraadhikaari maana ja raha tha tatha vah ab tak ummeedon par poori tarah se khara utare hain. Pujaara ne abhi tak jo 13 test match khele hain unamein 65-55 ki ausat se 1180 run banaae jismein chaar shatak bhi shaamil hain. Dravid ko lagta hai ki Saurashtra ka yah ballebaaj test cricket mein unheen ke jaisa ravaiya apanaata hai. Dravid ne kaha, 'Usane antararaashtreeya cricket mein shaanadaar shuruaat ki hai. Sachchaai yah hai ki usaki shuruaat mujhse bhi behtar hai. Main samajhta hoon ki vah ballebaaji ke puraani parampara ke hisaab se aage badha hai. Uske paas kai tarah ke shot hain aur vah nae shauts bhi ijaad kar raha hai. Test cricket mein usaka ravaiya vaisa hi jaisa mera tha. ' is poorv kaptaan se ESPN cricinfo ke 'Dravid ke saath ek din' naamak kaaryakram mein duniya bhar ke nau cricket premiyon ko baatcheet ka mauka mila. Pujaara ne ab tak ekadivseeya antararaashtreeya cricket naheen khela hai lekin ghareloo star par ekadivseeya maichon mein unhonne 56-97 ki ausat se run banaaye hain jismein aath shatak aur 17 ardhashatak shaamil hain. Dravid ne kaha, 'Vah besiks par dhyaan deta hai. Aap dekh sakte hain ki lagaataar sudhaar kar raha hai aur vah aisa khilaadi hai jo savaalon ka javaab dhoondhata hai. Vah jis tarah se cricket khel raha hai. Mujhe lagta hai ki vah kai pecheedagiyon ke javaab dhoondh sakta hai aur inmein se ek savaal one-day cricket hai. ' Dravid ka maanana hai ki test cricket ko banaae rakhane ke liye iska kaaryakram sahi tarah se taiyaar karne ki jaroorat hai tatha sabhi teemon ko adhik se adhik match diye jaane chaahiye. Unhonne kaha, 'Main nishchit taur par iska behtar kaaryakram dekhna chaahata hoon. Main chaahata hoon ki adhik se adhik teemein test cricket khelein. Main chaahata hoon ki sabhi teemon ko ek doosare ke khilaaf adhik se adhik match khelne ka mauka mile. Isse test cricket aage badhega aur usamein sudhaar hoga. Test cricket ko banaae rakhane ka ek hi raasta hai ki jitna sambhav ho adhik match khelna. ' Dravid ne kaha ki apne career ke shuruaati daur mein videshon mein khelne par unhein uchhaal se taalamel bithaane mein dikkat hui. Unhonne kaha, 'Main videshon mein aisi paristhitiyon mein safal hona chaahata tha jinka mujhe anubhav naheen tha. Apne antararaashtreeya career ke shuruaati daur mein mujhe uchhaal waali geindon se saamanjasya bithaane mein mushkil hui. ' Dravid ne kaha, 'Jab main pehli baar Australia, south Africa ya England gaya, to mainne dekha ki videshon ke kuchh choti ke khilaadi lanbaai waali geindon ko chhod dete the. Bhaarateeya ballebaaj is tarah ki geind khelte hain kyonki Bhaarat mein inhein chhodne par vah aapke middle ya of stump se gilliyaan uda sakti hai. Is uchhaal se saamanjasya bithaane aur visheshakar paari ke shuroo mein yah jaanana ki kaun si geind chhodni hai, kaafi mushkil hota hai.

Test Ki Tarah One-day Mein Bhi Safal Ho Sakte Hain Pujaara Dravid https://www.angrejinews.com/pic/3685