Test Cricket Ki Baadashaahat Banaae Rakhani Jaroori Suneel Gavaskar

Cricket » Wednesday, February 20, 2013

Chennai: Poorv bhaarateeya kaptaan suneel Gavaskar ne test cricket ke mahatva par jor dete hue Budhvaar ko cricket prashaasakon se lambi avadhi ke praaroop ki sarvochchata banaae rakhane ki appeal ki. Gavaskar ne mansoor Ali Khan pataudi memoriyl bhaashan mein cricket prashaasakon ko yaad dilaaya ki yah sunishchit karna unka kaam hai ki test cricket ki sarvochchata bani rahe. Pataudi ka 2011 mein nidhan ho gaya tha aur unki yaad mein pehli baar yah lekchar aayojit kiya gaya. ICC CEO dev Richardson ki upasthiti mein Gavaskar ne kaha, ''Test cricket sarvochch hai. Isi praaroop ke jariye aapki pehchaan banti hai. Aap test star par kaisa pradarshan karte hain. Yah maayane rakhata hai. Test khelne vaale das deshon mein se chaar ya paanch pramukh desh hai jinhein yah sunishchit karna chaahiye ki test cricket aage bhi sarvochch bana rahe. '' Unhonne kaha, ''Vah test cricket hai jo purushon ko ladkon se alag karta hai. Main sabhi prashaasakon se is par gaur karne ka aagrah karta hoon. '' Pataudi ke parivaar ka koi bhi sadasya is avsar par maujood naheen tha. Unki patni sharmila Tagore asvasth hain. Bhaarat aur Australia ki teemein lekchar mein upasthit thi. Gavaskar ne pataudi aur unke karishmaai vyaktitv ko lekar kuchh dilchasp kisse sunaaye. Unhonne kaha ki vah pataudi the jo bhaarateeya cricket mein aakraamakata lekar aae. Gavaskar ne majaakiya andaaj mein kaha ki unke jamaane mein sabse bada inaam filmi jagat ki mahilaaon ke saath samay bitaana hota tha jabki aaj ke cricketeron ke liye IPL ho sakta hai. Gavaskar ki is tippani se Bhaarat aur Australia ke yuva cricketer bhi muskaraane lage. Pataudi ne 1960 ke dashak mein bhaarateeya team ki aguvaai ki. Unke netrutv mein hi Bhaarat ne 1968 mein New Zealand ko haraakar pehli baar videshi sarjameen par jeet darj ki thi. Gavaskar ne kaha, ''Unhonne poori manovrutti badal di. Unhonne bhaarateeya team mein vishvaas bhara ki vah kisi bhi team se khel sakti hai aur jeet sakti hai. '' Gavaskar ne kaha ki ismein badi ulajhan hoti thi pataudi ko kis naam se bulaaya jaae. Unhein navaab saahib kaha jaae, ya tiger, ya pataudi saahib ya kaptaan. Unhonne kaha ki pataudi majaak karne mein bhi peechhe naheen rahate the. Gavaskar ne bataaya ki kis tarah se ek baar unhonne apne saathiyon ko bevakoof banaaya tha. Gavaskar ne kaha ki pataudi apne saathiyon ke saath shikaar par nikle the aur unhonne apne naukaron ko dakaiton ki veshabhoosha mein aane ke liye kaha aur bandhak banaane ka naatak rach diya. Gavaskar ne Bhaarat aur Australia ke cricketeron se bhi aagaami test series mein manoranjan ka tatv jodne ki appeal ki. Unhonne yuva cricketeron se kaha ki vah kisi upalabdhi ka jashn aakraamak andaaj ke bajaay chehare par muskaan laakar manaayein. Unhonne yah tippani viraat Kohli ke jashn manaane ke tareeke ko lekar ki.