Tendulkar Se Kya Ummeed Karni Hai, Ham Jaante Hain Vaarnar

Breaking » Tuesday, February 19, 2013

Chennai: Sachin Tendulkar bhale hi apne 40vein janmadin ki or badh rahe hon lekin Australiaee salaami ballebaaj David vaarnar is baat se poori tarah vaakif hai ki aagaami test series mein yah senior bhaarateeya ballebaaj unke liye kitna khatra paida kar sakta hai. Vaarnar ne mangalvaar ko kaha, ''Mujhe lagta hai ki jis khilaadi ne pratham shreni mein 25,000 run banaae hain, vah mahaan hai. Uske aankade bataate hain ki use kitna anubhav hai. Ham yahaan unki maand mein khelne ke liye hain aur ham jaante hain ki is mahaan ballebaaj se kya ummeed karein. '' Is Australiaee khilaadi ne kaha, ''Vah match mein 100 geind mein ya 200 geind mein 100 run bana sakta hai. Hamein in haalaaton se saamanjasya bithaana hoga, varna vah ham sabhi par bhaari pad jaaega. Hamein anushaasit hona hoga aur apne kaushal ka istemaal karna hoga, varna hamein saja milegi. '' Vaarnar ne kaha, ''Usane Irani cup mein 100 run banaae the. Vah is khel ke prati junooni hai. Vah anya khilaadiyon ke out hone ke tareeke se kaafi niraash tha aur sir hila raha tha. Aapko aisa khilaadi dekhne ko naheen milega. ''