Tej Shuruaat Ke Baad Dheeme Pade Sensex-Nifty

Business »

Tej Shuruaat Ke Baad Dheeme Pade Sensex-Nifty

Mumbai somvaar ko record oonchaai par hone ke baad mangalvaar ko bhi baajaar ne tej shuruaat ki. Vaishvik baajaar mein teji ke rukh ke beech kaarobaariyon evam niveshakon ki or se chuninda sheyaron ki khareed badhaaye jaane se Mumbai share baajaar ka soochakaank shuruaati kaarobaar mein 224 ank badhkar 24,587.16 ank par pahunch gaya. National stock exchange ka Nifty bhi 90.10 ank yaani 1.24 feesadi ki teji ke saath 7,353.65 ank par pahunch gaya. Haalaanki thodi der baad baajaar ki chaal sust ho gayi hai. Oil end gas aur bank sheyaron mein I bikvaali ne baajaar ko kamjor kar diya. Haalaanki realty sheyaron mein achhi khareedaari najar aa rahi hai. Diggaj sheyaron ki chaal dagamagaane ke baavajood midcap aur smallcap sheyaron mein jordaar khareedaari najar aa rahi hai. Dopahar 12 bajkar 15 minute par Sensex kareeb 30 ankon ki badhat ke saath 24,393 ke star par kaarobaar kar raha tha, vaheen NSE ka 50 sheyaron vaala pramukh index Nifty kareeb 4 ank oopar 7,267 ke star par kaarobaar kar raha hai. Rupaya bhi fislaa: Bankon ki or se dollar bikvaali badhaae jaane aur poonji pravaah jaari rahane se faureks baajaar mein shuruaati kaarobaar ke dauraan dollar ke mukaabale rupaya paanchavein din 5 paise ki teji ke saath 58.54 rupaye prati dollar par pahunch gaya. Haalaanki rupaya is badhat ko kaayam naheen rakha paaya aur fislakar 58.70 prati dollar par aa gaya. Somvaar ko rupaya 20 paise badhkar 11 maah ke uchchatam star 58.59 rapaye prati dollar par band hua tha.

Tej Shuruaat Ke Baad Dheeme Pade Sensex-Nifty https://www.angrejinews.com/pic/51127