Teesta Samjhaute Par Narendra Modi Kareinge Hastaakshar

World »

Teesta Samjhaute Par Narendra Modi Kareinge Hastaakshar

File photo File photo Dhaaka: Bhaarat ke bhaavi pradhaanamantri Narendra Modi Bangladesh ke saath teesta jal bantavaara samjhaute par hastaakshar kar sakte hain. Modi se poorv Manmohan Singh is samjhaute par hastaakshar karna chaahate the, lekin pashchim Bengal ki mukhyamantri mamata Bannerjee ke virodh ke kaaran yeh samjhauta naheen ho paaya tha. baanglaadeshi samaachaar website beedeenyooja24 dot kaam ke nai Delhi samvaadadaata ne bhaarateeya janta party (bhaajapa) ke ek varishth neta ke havaale se bataaya, "Shapath grahan samaaroh mein dakshin Asiaee deshon ke sarvochch netaaon ko aamantran bhejane ko lekar Modi Bangladesh ke videsh mantraalaya ke sampark mein rahe hain. Unhonne kam se kam samay mein teesta jal bantavaara samjhaute ko aage le jaane ka upaaya dhoondhane ke liye bhi baat ki hai. " Bangladesh ki pradhaanamantri shekh haseena ne pichhle saptaah Modi ko Loksabha mein unki aitihaasik jeet ke liye badhaai dene ke dauraan teesta nadi jal bantavaara samjhaute ke liye dhaaka ke ichhuk hone ka mudda bhi uthaaya tha. Modi ne bhi haseena ko aashvaasan diya tha ki vah Bangladesh ke saath majaboot dwipaksheeya sambandhon ke liye vah arthapoorn aur thos kadam uthaaenge. beedeenyooja24 dot com ke anusaar, teesta jal bantavaara samjhauta Bhaarat ke padosi raashtron ke saath vyaapaar aur sauhaardapoorn sambandhon ki drushti se Modi ka pehla kadam ho sakta hai, jisse unki chhavi majaboot aur nirnaayak neta ke roop mein ubhar sakti hai.

Teesta Samjhaute Par Narendra Modi Kareinge Hastaakshar https://www.angrejinews.com/pic/51388