'Teesari Baar Pradhaanamantri Ban Sakte Hain Manmohan

Breaking »

'Teesari Baar Pradhaanamantri Ban Sakte Hain Manmohan

baaraabanki. . Uttar pradesh sarkaar ke varishth mantri aajam Khan ne kaha ki aagaami Loksabha chunaav ke baad UPA ke satta mein aane par Manmohan Singh teesari baar desh ke pradhaanamantri ban sakte hain. Pradesh ke nagar vikaas mantri aajam Khan ne guruvaar ko yahaan saulid vest management praujekt ka udghaatan kiya. Aajam ne kaha ki aagaami Loksabha chunaav mein raajya ki janta ka saath milne par SP supreemo mulaayam Singh Yadav pradhaanamantri baneinge aur agar UPA satta mein aaya to Manmohan Singh ki teesari baar lautari lagne waali hai. In dinon Congress upaadhyaksh Rahul Gandhi ko Congress ki or se pradhaanamantri pad ka ummeedavaar banaane ki jordaar vakaalat ho rahi hai. Is beech aajam ne daava kiya ki UPA mein aagaami Loksabha chunaav ke baad Manmohan ko pradhaanamantri pad ka daavedaar banaane par sahamati banti dikh rahi hai. Aajam ne kaha ki BJP mein ek varg Narendra Modi ko pradhaanamantri pad ka ummeedavaar banaane ki baat kar raha hai, lekin unke naam par NDA ke ghatak dalon mein hi matabhed hai. Agar Modi ko BJP ki or se pradhaanamantri pad ka ummeedavaar ghoshit kiya gaya to NDA mein foot tay hai. Unhonne kaha ki jis tarah se kendra sarkaar CBI ka virodhiyon ke khilaaf galat istemaal kar rahi hai, use poora desh dekh raha hai. Unhonne kaha ki 1984 mein hue sikh virodhi dangon ke aham aaropi poorv mantri jagadeesh taaitalar ko keindreeya jaanch agency ne Pak-saaf ghoshit kar diya tha, jise adaalat ne darakinaar karke unke khilaaf maamala fir kholne ke aadesh diye hain. Isi se jaahir hota hai ki CBI ka kis kadar durupayog kiya ja raha hai.

'Teesari Baar Pradhaanamantri Ban Sakte Hain Manmohan https://www.angrejinews.com/pic/5263