Teerandaaji World Cup Deepika Ko Do Silver, Chauthe Sthaan Par Bhaarat

Sports »

Teerandaaji World Cup Deepika Ko Do Silver, Chauthe Sthaan Par Bhaarat

Kolkata. . Desh ki ubharati teerandaaj deepika kumaari ne Shanghai mein teerandaaji world cup leval van mein do silver medal jeete, jisse Bhaarat chautha sthaan haasil karne mein safal raha. Deepika ne ek silver jayant taalukadaar ke saath milkar haasil kiya. Deepika ka mukaabala oke hi yun se tha. Yun ne Beijing 2008 mein braunj medal jeeta tha. Deepika ne shuroo mein 4-2 se badhat banaai lekin Koreai teerandaaj ne iske baad apne anubhav ka istemaal karke lagaataar game jeetkar 6-4 se yah mukaabala apne naam kiya. Unhonne is tarah se Shanghai mein world cup mein teesara gold medal haasil kiya. Isse pehle unhonne 2006 aur 2009 mein svarn padak jeete the. Rikrv ke mishrit team final mein America ke braadi elisn aur khaatuna lorig ne taalukadaar aur deepika ki bhaarateeya jodi ko 154-146 se haraaya. Bhaarat ne is tarah se championship mein do silver aur ek braunj medal haasil kiya. Bhaarat ke liye braunj medal mahilaaon ki kampaaund team ne jeeta tha. Trisha deb, gaganadeep Kaur aur lili chaanoo pi ki bhaarateeya mahila team ne braunj medal ke mukaabale mein Italy ki team ko haraaya tha.

Teerandaaji World Cup Deepika Ko Do Silver, Chauthe Sthaan Par Bhaarat https://www.angrejinews.com/pic/9044