Teepoo Sultaan Ki Ram Naam Waali Angoothi Hui Neelaam

Breaking »

Teepoo Sultaan Ki Ram Naam Waali Angoothi Hui Neelaam

London: Mysore ke 18 veen shataabdi ke mashahoor shaasak teepoo sultaan ki ek sone ki angoothi neelaami mein apne anumaanit keemat se 10 guna keemat par 1,45,000 pound mein biki. Viraasat ko lekar aavaaj buland karne vaale samoohon ki aalochna ke beech, madhya London mein neelaami gruh kristi ne kaha ki 41.2 gram ki angoothi neelaami mein hissa lene vaale ko bechi gayi, jiska naam ujaagar naheen kiya gaya hai. khabar ke mutaabik, is angoothi par devanaagari lipi mein Bhagwan Ram ka naam likha hai. Apne anumaanit keemat se 10 guna se bhi adhik par 1,45,000 pound mein iski neelaami hui. bataaya jaata hai ki shreerangapattinm mein 1799 mein british India company ke sainikon se ladaai mein teepoo sultaan ke maare jaane ke baad unke shav se yeh angoothi nikaali gayi thi. neelaami ghar ne iske baare mein ullekh kiya, 'Yeh adbhut hai ki mahaan muslim yoddha hindu devata ke naam waali angoothi pahane hue tha. '

Teepoo Sultaan Ki Ram Naam Waali Angoothi Hui Neelaam https://www.angrejinews.com/pic/51527