'Teen Lakh Navajaat Mar Jaate Hain Har Saal

India »

'Teen Lakh Navajaat Mar Jaate Hain Har Saal

nagar samvaadadaata . Nai Delhi : Desh mein har saal teen lakh 9 hajaar bachche janm ke pehle hi din mar jaate hain. Dakshin Asia mein janm ke pehle din marne vaale bachchon ki taadaad 4 lakh 20 hajaar hai. NGO sev the children ne mangalvaar ko apni saalaana report mein is baat ki jaankaari di. Report mein kaha gaya ki lambe samay tak kuposhan se grast hone ki vajah se maanon ko maanasik aur shaareerik pareshaaniyon ka saamana karna padta hai. Janm ke pehle din marne vaale bachchon mein 40 parseint Bhaarat, Pakistan aur Bangladesh mein hain. Report ke mutaabik, dakshin Asia mein maataaon mein poshan ki kami navajaaton ki maut ka ek bada kaaran hai. Aisi mahilaaon ka poori tarah se vikaas naheen ho paata hai. Is vajah se prasav ke dauraan khatra aur badh jaata hai. Aankade bataate hain ki dakshin Asia mein 20 se 40 parseint mahilaaen jaroorat se jyaada dubali-patali aur kamjor hain. Is vajah se pregneinsi ke dauraan unki pareshaaniyaan badh jaati hain. Bhaarat sarkaar ke central rajistreshan sarvekshan-2011 ke mutaabik, madhya pradesh mein navajaat ki mrutyu dar 32 parseint aur uttar pradesh aur udeesa mein 30 parseint hai. Iske baad Rajasthan, Chhattisgarh, Jharkhand aur Jammu-Kashmir ka number hai.

'Teen Lakh Navajaat Mar Jaate Hain Har Saal https://www.angrejinews.com/pic/8023