Tee20 Cricket Ko Pant Jaise Khilaadiyon Ki Jaroorat Munaro

Cricket »

Tee20 Cricket Ko Pant Jaise Khilaadiyon Ki Jaroorat  Munaro

Hyderabad, 15 April (bhaasha) Delhi kaipitls ke ballebaaj Colin munaro ka maanana hai ki tee20 cricket ko rishabh pant jaise aakraamak ballebaaj ki jaroorat hai . pant ne Kolkata night Riders ke khilaaf 46 run banaane se pehle Mumbai Indians ke khilaaf 27 geind mein 78 run banaaye the . munaro ne sunrisers Hyderabad par 39 run se mili jeet ke baad kaha ,'' rishabh ko apne khel ka bakhoobi ilm hai . Vah chauthe, paanchavein ya chhathe number par khele, ek sa khelta hai . Hamein tee20 cricket mein uske jaise cricketeron ki jaroorat hai . '' unhonne kaha ,'' hamaari team mein kai yuva khilaadi hai aur unhein khelne ki poori aajaadi hai. Ve bekhauf hokar apna svaabhaavik khel dikha sakte hain . Unhein apni taakat aur kamjoriyaan pata hai . '' unhonne shreyas ayyar ki kaptaani ki taareef karte hue kaha ,'' pichhle saal tournament ke beech mein use kaptaan banaaya gaya tha aur ab vah apni bhoomika bakhoobi nibha raha hai . Vah kaafi shaant hai jo usaki khoobi hai . Vah yuva hai lekin usase kaafi kuchh seekhane ko milta hai . Usaki aur Ricky (coach ponting) ki achhi banti hai .

Tee20 Cricket Ko Pant Jaise Khilaadiyon Ki Jaroorat Munaro https://www.angrejinews.com/pic/268047