Tax Traaiengal Mein Fanse Laakhon TV Darshak

Business »

Tax Traaiengal Mein Fanse Laakhon TV Darshak

pramod rai nai Delhi. . Lokal kebal oparetars aur malti service oparetars (emaesao) ke beech kheenchtaan mein pis rahe aam TV darshakon ki mushkilein badhti ja rahi hain. Delhi sarkaar ke entertainment tax dipaartameint ne kebal tax ki vasooli emaesao se karne ki kavaayad tej kar di hai. Abhi tak yah tax lokal kebal oparetaron se seedhe vasoola jaata tha. Iske chalte kai ilaakon mein emaesao ne lokal oparetaron par prati set top box 20 rupae maasik vasooli ka dabaav badha diya hai aur ve un par package system laagoo karne ke liye bhi dabaav daal rahe hain. Rajdhani ke kai ilaakon mein log darjanon manapasand channel naheen dekh pa rahe hain. Lokal kebal oparetar aur emaesao ke beech fees bantavaare ko lekar pehle se vivaad chala aa raha hai aur kai kebal sangathan ise lekar desh bhar mein sangharsh bhi kar rahe hain. Ab raajya sarkaar ki or se badhe dabaav ne lokal oparetaron ki mushkilein aur badha di hain, jiske chalte ve darshakon par rikvari ka dabaav banaane lage hain. Delhi ke eksaaij, entertainment aind lagjari tax commissioner A. Ke. Singh ne is baare mein kaha, 'Humne emaesao se kebal tax vasoolane ki taiyaari shuroo kar di hai. Abhi haal mein unke saath baithakein bhi hui hain. Kaha gaya hai ki dijitaaijeshan ke mutaabik ve apekshit kar jama karaaen. Pehle phase mein ham sabhi emaesao ke alaava kuchh bade lokal oparetars se vasooli jaari rakheinge. Dheere-dheere vasooli ki prakriya poori tarah emaesao tak seemit ho jaaegi. ' Delhi mein lagbhag 30 lakh TV set hain. Sarkaar har TV set par 20 rupae prati maah ki dar se kebal tax vasoolati hai. Hotelon aur audyogik TV set par yah dar 50 rupae hai. Dijitaaijeshan ke baad raajya sarkaar ko is mad mein har maah kareeb 6 karod aur saalaana 72 karod rupae mil sakte hain. Puraani vyavastha ke tahat vasooli iska aadha bhi naheen ho paati thi. Delhi mein kareeb 2200 kebal oparetar hain, jabki emaesao ki taadaad 11 hai. Inmein 5 national aur 6 indipeindeint hain. Kebal oparetar federation of India ki prejideint roop sharma ne kaha, 'Dijitaaijeshan ki poori prakriya hi galat tareeke se hui hai. Pehle kai gharon mein ek se jyaada TV set lage the aur hamein lamasam raashi mil jaati thi. Har set ke saath set top box to humne laga diya, lekin ek hi ghar se maltipl tax vasoolana na to hamaare bas mein hai aur na hi log dena chaahate hain. Hamein darshak se sirf 20 rupae ka kebal tax hi naheen vasoolana, balki 12.5 feesadi service tax bhi lena hai, jo kendra ko jaaega. Emaesao ke saath free channelon ke liye 45: 55 ke anupaat mein aur ped channelon ke liye 35: 65 ke anupaat mein fees bantavaare se hamaari kamaai pehle hi kaafi ghat chuki hai, jiska ham virodh kar rahe hain. ' yah poochhe jaane par ki kai ilaakon mein darshakon ko manapasand channel dekhne ko naheen mil rahe aur kaiyon ke yahaan package form bhi pahunchaae ja rahe hain, unhonne kaha, 'Kebal oparetaron par emaesao se dabaav aa raha hai aur channel unheen ki or se kaate ja rahe hain. Isse juda ek maamala court mein hai aur kuchh jagahon par baatcheet chal rahi hai, isliye ham intajaar kareinge, lekin mushkilein jyaada badheen, to lokal oparetar jald hi sadkon par utareinge. ' poorvi Delhi ke kai rihaayashi ilaakon se ravivaar ko bhi shikaayat milti rahi ki screen se pramukh channel gaayab hain. Darshakon ko bataaya ja raha hai ki choonki aapne package naheen liya hai, isliye aap yah channel dekhne ke liye otharaaijd naheen hain. Ek aaradablyooe pratinidhi ne bataaya ki kai gharon mein oparetarars ne package form bheje hain, jismein 100 rupae se 270 rupae tak ke package pesh kiye gaye hain. Adhiktam package lene par maheene ka bill dhaai guna tak badh sakta hai, jo sabke bajat mein naheen hoga.

Tax Traaiengal Mein Fanse Laakhon TV Darshak https://www.angrejinews.com/pic/6367