Tax Chori Ke Khilaaf Jaari Rahega Abhiyaan

Business »

Tax Chori Ke Khilaaf Jaari Rahega Abhiyaan

nai Delhi. . Tax naheen chukaane vaale logon ke khilaaf sarkaar abhiyaan tej karne ja rahi hai. Finance ministar pi Chidambaram ne guruvaar ko sakht lahaje mein kaha ki tax athauriteej pichhle saal ki tarah is saal bhi tax chori karne vaale logon ke khilaaf abhiyaan chalaaegi. Unhonne kaha ki is straiteji ke achhe nateeje aae hain. Unhonne bataaya ki 50 lakh nae taiksapeyars ne return file kiye hain. Chidambaram ne kaha, 'Aankadon ki jaanch ke baad humne January aur March ke beech notice ishoo kiye. Aid kainpen ke chalte humne 50 lakh aur taiksapeyars ko tax net ke daayare mein laaya hai. ' unhonne yah baat raajya sabha mein finance bill par charcha ke javaab mein kahi. Unhonne kaha, 'Ham 2013-14 mein bhi apna abhiyaan jaari rakheinge. Ham tax net ke tahat aur logon ko laaenge. ' raajya sabha ne finance bill aur doosare bill Loksabha ko return kar diye. Isse aam bajat aur railway bajat ke paarit hone ki prakriya poori ho gayi. Is dauraan vipaksh ne sadan se vaukaaaut kiya. Chidambaram ne Rajyasabha mein kaha, 'Yah sharmanaak hai ki desh mein sirf 42,800 logon ne ek karod se jyaada inakam hone ki baat kabool ki hai. Ho sakta hai ki sirf south Delhi mein hi ek karod se jyaada inakam vaale logon ki sankhya is aankade se jyaada ho. Hamaari koshish aise logon ko tax ke daayare mein laane ki hai. ' unhonne ummeed jataai ki is straiteji se 2013-14 ke dauraan laakhon aur logon ko tax net mein laaya ja sakega. Pichhle faainainshal iyar mein tax athauriteej ne January-March ke dauraan 1.05 lakh logon ko letars bheje the. Aankadon ki vyaapak chhaanabeen ke baad in logon ki pehchaan ki gayi thi. Athauriteej ne in logon ko return file karne aur tax chukaane ko kaha tha.

Tax Chori Ke Khilaaf Jaari Rahega Abhiyaan https://www.angrejinews.com/pic/7464