Tathyon Mein Ulajhe Pak PM Imran, Bole- Germany Aur Japan Ne Border Par Lagaae The Udyog

Breaking »

Tathyon Mein Ulajhe Pak PM Imran, Bole- Germany Aur Japan Ne Border Par Lagaae The Udyog

Islamabad Pakistan ke pradhaanamantri Imran Khan ke liye sthiti us samay kaafi haasyaaspad ho gayi, jab vah Iran daure par raashtrapati hasan ruhaani ke saath sanyukt press conference ko sanbaandhit kar rahe the. Daraasal Imran Khan aitihaasik tathyon mein ulajh gaye aur kah diya ki Germany aur Japan ne dviteeya vishvayuddh ke baad apne aarthik sambandhon ko sudhaara aur apne seema par sanyukt udyog bhi sthaapit kiye. Daraasal Japan aur Germany ki seema mein kareeb 5000 meal se jyaada ka antar hai. Imran Khan yahaan Germany aur France kehna chaahate the, lekin France ki jagah unhonne Japan kah diya. Imran ne kaha tha, 'Jitna aap ek-doosare ke saath vyaapaar karte hain, utana hi aapka sambandh ek-doosare ke saath badhta hai. Germany aur Japan ne doosare vishvayuddh mein ek-doosare ke hajaaron logon ko maara tha, lekin uske baad donon deshon ne border par sanyukt udyog lagaane ka faisala kiya. ' Germany & Japan are 5,500 miles apart but Imran Khan says Germany and Japan created joint industries on their bordeā€¦ https: //t. Co/ZgJ2PsfYMF— Sidrah Memon (@SidrahMemon1) 1555957645000 Bata dein ki doosare vishv yuddh ke baad France aur Germany ne ek saath haath milaakar yooropiyn union ki neenv daali thi aur ek-doosare ki arthavyavastha ko badhaava dene ke liye sanyukt udyog lagaaya tha. Is bayaan ke baad social media par Pak PM Imran Khan ki jamkar khinchaai ho rahi hai. Kuchh log kah rahe hain ki Pakistan ke itne padhe-likhe PM se anapadhon jaisi ummeed naheen thi.

Tathyon Mein Ulajhe Pak PM Imran, Bole- Germany Aur Japan Ne Border Par Lagaae The Udyog https://www.angrejinews.com/pic/269661