Tanaav Mukt Rahana Hai Ishaant Ki Kaamayaabi Ka Raaj

Cricket »

Tanaav Mukt Rahana Hai Ishaant Ki Kaamayaabi Ka Raaj

agencyan . Hyderabad sunrisers Hyderabad ke pesar Ishaant sharma ka maanana hai ki 'Tanaav mukt maanasikta' ke saath bauling ke liye utarane se unhein maujooda Indian Premier league mein kaafi faayda mila. Mumbai Indians par Budhvaar raat sunrisers ki saat wicket ki jeet mein aham rol nibhaane vaale vaale Ishaant ne kaha ki IPL -6 mein vah ab tak apne pradarshan se khush hainn. Ishaant ne kaha, 'Main in dinon tanaavamukt hokar bauling karta hoon. Iska mujhe maujooda IPL mein faayda mila hai. Poore tournament ke dauraan mere pradarshan mein nirantarata rahi hai. Meri ikonami rate saat ke aaspaas hai, jo mujhe lagta hai ki khel ke is sabse chhote faurmeint mein achha pradarshan hai. Main jis tarah ki bauling kar raha hoon, usase main kaafi khush hoon. ' Mumbai Indians ke khilaaf Ishaant ne Budhvaar ko sabse damadaari bauling karte hue chaar over mein 15 run dekar do wicket chatakaae. Unhonne Mumbai ke sachin Tendulkar aur rang mein chal rahe dinesh kaartik ke wicket haasil kiye. Ishaant ne kaha, 'Mainne haalaat ka aakalan kiya. Mainne un yojanaaon ko anjaam tak pahunchaane ki koshish ki, jo humne har baitsamain ke liye banaai thi. Baitsamain ke baare mein soche bina mainne apne majaboot paksh ke mutaabik bauling ki. ' Ishaant ne kaha, 'Ek ikaai ke roop mane apne bauling se main santusht hoon. Humne cheejon ko saamaanya banaae rakha aur kuchh asaadhaaran karne ki koshish naheen ki. Budhvaar ko sachin Tendulkar ka wicket unke liye kaafi keemati tha. Unka wicket haasil karna behatareen ehsaas hai. Hamaare leg spinner amit mishra ne midlaovaron mein kasi hui bauling karte hue Mumbai ke do wicket chatakaae. '

Tanaav Mukt Rahana Hai Ishaant Ki Kaamayaabi Ka Raaj https://www.angrejinews.com/pic/7475