Tamil Ilam Ke Liye Ho Janamat Sangrah Jayalalita

Breaking »

Tamil Ilam Ke Liye Ho Janamat Sangrah  Jayalalita

Chennai. . Kendra sarkaar ki mushkilein lagaataar badhti ja rahi hain. DMK cheef Karunanidhi ke baad ab Tamil Nadu ki mukhyamantri jayalalita ne bhi kendra sarkaar par dabaav badha diya hai. Tamil Nadu vidhaanasabha ne maang ki hai ki Bhaarat Sri Lanka mein pruthak tamil ilam (tamil raashtra) ko lekar sanyukt raashtra suraksha parishad mein prastaav pesh kare. Saath hi Sri Lanka ko mitr raashtra ke roop mein na dekhe. Jayalalita ne tamil ilam ke liye Sri Lanka mein janamat sangrah ki maang ki hai. Tamil Nadu vidhaanasabha ne Budhvaar ko sarvasammati se is sambandh mein prastaav paarit kiya. Ismein kendra se aagrah kiya gaya hai ki Sri Lanka mein tamilon ke khilaaf 'Daman' rukane tatha 'Narasanhaar aur yuddh aparaadh' ke liye jimmedaar logon ke intaranaishanal jaanch ka saamana karne tak Colombo par aarthik ban lagaaya jaae. Prastaav pesh karte hue mukhyamantri jayalalita ne kaha ki chhaatron ki or se kiya ja raha pradarshan Sri Lanka ke mudde par unki sarkaar ke kadam ko pratibinbit karta hai. Unhonne chhaatron se appeal ki hai ki ab ve hadtaal khatm karein aur school college jaana shuroo karein. Kendra aur DMK par nishaana saadhate hue jayalalita ne aarop lagaaya ki Sri Lanka mein 2009 mein donon sangharsh viraam sunishchit kara paane mein naakaam rahe the. Unhonne aarop lagaaya ki DMK ke mukhiya Karunanidhi is mudde par dohara ravaiya apna rahe hain. Unki is tippani par DMK ke sadasyon ne kada virodh darj karaaya.

Tamil Ilam Ke Liye Ho Janamat Sangrah Jayalalita https://www.angrejinews.com/pic/3620