Taalibaan Ke Khilaaf Bhaarat Cheen Saath-saath

World »

Taalibaan Ke Khilaaf Bhaarat Cheen Saath-saath

Nai Delhi. . Afghanistan se America ki vidaai ke saath hi padosi desh bure prabhaavon ko lekar aashankit hain. Tanaav ka yah daur pratyaksh isliye bhi hai kyonki padosi desh is nae haalaat ke nipatne ke liye ekajut hote dikhaai day rahe hain. Pakistan aur charampanthiyon dvaara samarthit taalibaan ki is lahar se in deshon ke bhi prabhaavit hone ka dar bana huaa hai. Cheen ne Afghanistan mudde par roos aur Pakistan ke saath trikoneeya star par samooh bhi taiyaar kiya hai aur iski pehli baithak agale kuchh hafton mein ho sakti hai. Aisa Bhaarat, roos aur cheen ki tristareeya baithak ke kuchh hafte baad hi ho raha hai. In teen deshon ne kuchh din pehle Moscow mein isi tarah ke ek anya trikoneeya star par baatcheet ki prakriya ko aakaar diya tha, jahaan teenon desh Afghanistan ke bhavishya par jaankaari aur sthiti ka aadaan-pradaan kareinge. Moscow ki baithak Bhaarat aur cheen ke madhya dwipaksheeya star ke sambandhon ki shuruaat thi. Dwipaksheeya star par Bhaarat aur cheen ke beech Afghanistan ke mudde par baatcheet bhaarateeya kheme ko sochane par isliye bhi majaboor karti hain kyonki iski shuruaat cheen ki taraf se hi hui. Lekin isne pehli baar dikhaaya, ki cheen, Pakistan ke saath apne sambandhon mein naya daanv khelne ki koshish mein hai. Pakistan ke taalibaan ke saath sambandhon mein bhi kisi tarah ki kami naheen dikhaai day rahi hai, baavajood iske ki Islamabad ke liye yah khud museebat bana huaa hai. Pakistan ki taalibaan ke saath kisi tarah ki shaanti prakriya naheen hai kyonki ISI ka taalibaan par bada dabadaba maana jaata hai aur, Pakistan is maamale mein alag-thalag padta dikhaai day raha hai jise aisa lagta hai ki taalibaan kaabul mein shakti sanrachana mein aham bhoomika rakhata hai. Cheen ki chintaaen uske shingajiyaang praant ko lekar bhi hain jahaan Afghanistan se jehaadi samarthan praapt hota raha hai. Lekin Bhaarat ki tarah cheen bhi Afghanistan mein apne nivesh ko surakshit rakhana chaahata hai. May mein, cheen ki seeenapeesi uttari Afghanistan mein tel kuen par kaam shuroo karne ja rahi hai. Yah Afghanistan ke liye sansaadhanon ke vikaas ka daur bhi ho sakta hai. Bhaarat ne saiddhaantik roop se Afghanistan ki khaanon mein nivesh kar rakha hai lekin suraksha sambandhi chintaaen vahaan bhi hain. Bhaarat-cheen ke dwipaksheeya sambandhon ka yah daur Afghanistan mein apne nivesh ko surakshit karne ki disha mein agragaami kadam ho sakta hai.

Taalibaan Ke Khilaaf Bhaarat Cheen Saath-saath https://www.angrejinews.com/pic/4240