TRS Pramukh Ka Loksabha Se Isteefa

Breaking »

TRS Pramukh Ka Loksabha Se Isteefa

File photo File photo Nai Delhi: telangaana raashtra samiti (TRS) pramukh ke. Chandrashekhar Rao ne Loksabha mein Andhra pradesh ke medak kshetr se sadasya ke roop mein apna isteefa de diya hai. Rao navagathit raajya telangaana ke mukhyamantri banane ja rahe hain. Delhi daure par aae Rao ne somvaar ko Loksabha ke mahaasachiv ko apna isteefa saunp diya. Keseeaar ke naam se charchit Rao haal hi mein sampann chunaav mein medak Loksabha seat aur galavel vidhaanasabha seat se nirvaachit hue hain. Andhra pradesh se alag telangaana raajya gathan ke liye kai dashakon se sakriya TRS ko telangaana vidhaanasabha mein spasht bahumat milne ke baad keseeaar ne vidhaanasabha seat hi apne paas rakhane ka nirnaya liya. Unhein TRS vidhaayak dal ka neta chuna ja chuka hai. TRS pramukh do June ko alag raajya gathan ke baad telangaana ke pratham mukhyamantri ke roop mein shapath grahan kareinge. TRS ko 119 sadasyeeya telangaana vidhaanasabha mein 63 seatein mili hain. Is kshetreeya dal ne Loksabha ki 17 seaton mein se 11 par jeet haasil ki hai.

TRS Pramukh Ka Loksabha Se Isteefa https://www.angrejinews.com/pic/51809