TCS Ne Lakshmeenaaraayanan Ko Diya Japan Ka Jimma

Business »

TCS Ne Lakshmeenaaraayanan Ko Diya Japan Ka Jimma

[ joshel meindonka | Mumbai ] tata kansalteinsi services ke CEO N chandrashekharan ne apne diggaj siphasaalaar S S lakshmeenaaraayanan ko apne Japani business ka head banaaya hai. Desh ki sabse badi IT company ki is kavaayad ka maksad duniya ke ek bade aur bahut kam Indian pakad vaale market mein growth haasil karna hai. TCS ko apne business ka bahut thoda hissa hi Japan se haasil hota hai. Company ko vahaan se 10 karod dollar ka revenyoo milta hai. Lekin April mein usane kaha tha ki vah mitsubishi kaurp ki IT unit ko khareed rahi hai. Usaka saalaana revenyoo lagbhag 50 karod dollar hai, usamein lagbhag 2400 log kaam karte hain. June ant mein hui deal se TCS ko ek Indian company ke taur par Japan mein sabse bada skel haasil hua. TCS ko 1983 mein jvaain karne vaale lakshmeenaaraayanan ka alag itihaas raha hai. Unako baar-baar videsh mein nae sire se business shuroo karne ke liye bheja jaata raha hai. Unhonne Britain mein shuruaat se business shuroo kiya aur 2011 se vah high-tech aur media end entertainment sahit imarjing vartikls business ko leed kar rahe hain. Isse TCS ko 10 parseint revenyoo mil raha hai. Lakshmeenaaraayanan ne ikanaumik times ko bataaya, 'Yeh mere liye chunauti hai aur bahut romaanchak bhi hai. Britain mein humne khud se apna platform khada kiya tha. Japan mein ekvijishn se mujhe ek platform mil raha hai jiske apne faayde aur chunautiyaan hain. Hamein apne Japani varkafors ko TCS ke prauses mein laana hoga aur uske kaamkaaj ke taur tareekon ke hisaab se dhaalana hoga. ' chunautiyaan sirf niji naheen hongi. Jab chandrashekharan ne lakshmeenaaraayan ko jaub ofar ki to unako ek taaraget bhi diya. Unhein tay vakt mein company ka revenyoo double karna hoga. Lakshmeenaaraayanan ne kaha, 'Main taaimafrem ke baare mein bata naheen sakta, lekin jaisa ki aap TCS ko jaante hain uske paas ek plaan hota hai aur ham mahatvaakaankshi hain. ' Japan IT aautasorsing ke hisaab se duniya ka doosra sabse bada market hai. Iska kul aautasorsd IT kharch 109 arab dollar hai aur naun Japani veindar ke liye vahaan pakad banaana bahut mushkil hai. Lagbhag 70 parseint business Japani companiyon ke haath hai. India ka share 1 parseint se bhi kam hai.

TCS Ne Lakshmeenaaraayanan Ko Diya Japan Ka Jimma https://www.angrejinews.com/pic/57794