Syria Sankat Ke Hal Mein Madad Kare Iran Ijipt

World » Monday, April 1, 2013

kaahira. . Ijipt ka kehna hai ki Iran ko Syria sankat ke kootaneetik samaadhaan mein sahayog dena chaahiye. Samaachaar agency RIA novosti ke anusaar, ijipt ke videsh mantri mohammad amr ne kaha, 'Iran ke saath sahayog jaroori hai. Saath hi Iran ko Syria sankat ke kootaneetik samaadhaan aur desh mein jaari gruh yuddh samaapt karne ke liye koshish karni chaahiye, taaki vahaan ke logon ka lokataantrik bhavishya ban sake aur ekajutata kaayam ho sake. ' ijipt ke videsh mantri ne ye baatein ravivaar ko Iran ke upavidesh mantri husain Aamir abdullaahiyaan se kahi. Ijipt ke mantri ne kaha ki Syria mein hathiyaaron ko lekar rojaana ho rahi jhadap se kshetr mein haalaat aur bigdeinge. Isliye yah kshetr ki sabhi shaktiyon ke hit mein hai ki ve Syria sankat ka jald samaadhaan dhoondhein.