Syria Mein Army Ke Hamle Mein 57 Mare

World »

Syria Mein Army Ke Hamle Mein 57 Mare

agency . Beroot : Syria mein army ke haaliya hamle mein chhah bachchon sahit 57 logon ke marne ki khabar hai. Syriai maanavaadhikaar sangathan ne guruvaar ko is baat ki jaankaari di. Sangathan ne kaha ki hamla desh ke dakshini hisse ke dara praant mein kiya gaya. Sangathan ke mutaabik, marne vaalon mein chhah bachche, saat mahilaaen, 16 sarkaar virodhi ladaake, 16 anya log aur 12 sena ke javaan hain. Syriai sena ne vidrohiyon ke kabje vaale ilaake ko nishaana banaakar hamla kiya tha. Sangathan ne kaha ki hamle mein sena ne jamkar gole barasaae aur jabardast goleebaari ki. Havaai hamle mein 4300 mare : Antararaashtreeya maanavaadhikaar sangathan hyooman raaits vauch ka kehna hai ki Syriai sarkaar aam logon ke khilaaf andhaadhundh havaai hamle kar rahi hai. In hamlon mein pichhle ek saal ke dauraan abhi tak 4300 se jyaada logon ki maut ho chuki hai. Sangathan ne kaha ki havaai hamlon mein bekariyon, aam logon ke thikaanon aur aspataalon ko nishaana banaaya gaya hai. Gaurtalab hai ki isse pehle sanyukt raashtra kah chuka hai ki Syriai mein pichhle do saal se jaari sangharsh mein 70 hajaar se jyaada logon ki maut ho chuki hai.

Syria Mein Army Ke Hamle Mein 57 Mare https://www.angrejinews.com/pic/5322