Svaami Ka Daava, Arthashaastr Naheen Jaante Modi, Jaitley

Business »

Svaami Ka Daava, Arthashaastr Naheen Jaante Modi, Jaitley

Kolkata, 23 March (bhaasha) bhaajapa saansad subramanyam svaami ne shanivaar ko daava kiya ki na to pradhaanamantri Narendra Modi aur na hi vitt mantri Arun Jaitley ko arthavyavastha ki jaankaari hai kyonki ve Bhaarat ko paanchaveen sabse badi arthavyastha bataate hain jabki Bhaarat is soochi mein teesare sthaan par hai. svaami ne paroksh roop se prashansa karte hue kaha ki unhein yeh samajh naheen aata ki pradhaanamantri aisa kyon kehte hain ki Bhaarat vishv ki paanchaveen sabse badi arthavyavastha hai jabki sakal ghareloo utpaad (GDP) ganana ki vaigyaanik roop se sveekaarya prakriyaaon ke anusaar, Bhaarat America aur cheen ke baad teesari sabse badi arthavyavastha hai. apni tippaniyon ko lekar aksar vivaad paida karne vaale svaami ne kaha, ''Mujhe naheen pata ki hamaare pradhaanamantri yeh kyon kehte rahate hain ki paanchaveen sabse badi. . . Kyonki unhein arthashaastr ki jaankaari naheen hai aur vitt mantri bhi arthashaastr naheen jaante. '' Harvard se arthashaastr vishay mein Ph. D. Karne vaale aur vahaan yeh vishay padhaane vaale svaami aksar Jaitley ki aalochna karte rahe hain. svaami ne kaha ki vinimay daron par aadhaarit ganana ke anusaar bhaarateeya arthavyavastha vishv mein paanchavein sthaan par hai. Unhonne kaha ki vinimay darein badalti rahati hain aur rupaye mein giraavat hone ke kaaran, Bhaarat is tarah ki ganana ke aadhaar par filhaal saataveen sabse badi arthavyavastha hai. svaami ne kaha ki arthavyavastha ke aakaar ki ganana ka sahi tareeka kraya shakti kshamata hai aur iske aadhaar par Bhaarat filhaal teesare sthaan par hai. unhonne ''Engejing peepals ripblik of China'' vishay par yahaan logon ke samooh ko sambodhit karte hue kaha ki aupaniveshik balon ke aakraman se pehle tak Bhaarat aur cheen vishv mein kramash: Pehle aur doosare sthaan ke sabse samruddh desh hua karte the. svaami ne kaha ki Jawahar laal Nehru ne 1950 mein sanyukt raashtra suraksha parishad mein Bhaarat ko sthaayi sadasyata se inkaar kar diya tha. Unhonne kaha ki desh ke pehle pradhaanamantri ne ''Sarvodaya mood'' mein kaha tha ki yeh (sthaayi sadasyata) cheen ko jaani chaahiye.

Svaami Ka Daava, Arthashaastr Naheen Jaante Modi, Jaitley https://www.angrejinews.com/pic/263000