Sust Haaive Projekts Ki Raftaar Badhaane Ki Taiyaari

Business »

Sust Haaive Projekts Ki Raftaar Badhaane Ki Taiyaari

[ yashodhara daasagupta | nai Delhi ] susti ke shikaar haaive projekts ki raftaar badh sakti hai. Haaivej ministri sabhi maujooda projekts ki sameeksha sambandhit pakshon ke saath milkar karne ki yojana bana rahi hai. Rod transport, haaivej end shiping ministar nitin gadkari ne haaivej ministri aur national haaivej athauriti of India ke adhikaariyon ke saath pichhle saptaah ek meeting ki thi. Is baithak mein tay kiya gaya ki projekts ki kshetravaar sameeksha ki jaaegi. Ismein khaastaur par un projekts par focus rahega, jo susti ke shikaar hain. Ministri nae land act ke anusaar jameen adhigrahan ki laagat ke mudde par bhi gaur karegi aur mantri ko bataaegi ki haaivej sector ko iske chalte kya dikkatein ho sakti hain. Mantri ko yeh bhi bataaya jaaega ki isse nipatne ke vikalp kya ho sakte hain. NHAI hedakvaurtars par 30 May ko hui is baithak mein taiyaar action plaan mein in kadamon ko final kiya gaya tha. Ghatnaakram ki jaankaari rakhane vaale ek ofishiyl ne bataaya ki ek baar mein 3-4 raajyon ke projekts ki kshetravaar samabhkha ki jaaegi. Sameeksha baithak mein NHAI, raajya sarkaaron aur aham kanseshaneyars ke aham adhikaari shaamil honge. NHAI ofishiyls ne kaha ki 45-50 projekts apne tay schedule se peechhe chal rahe hain aur mantri ko ek list saunpi jaaegi, jismein in projekts ki raah mein aa rahi baadhaaon ka jikr hoga. Inmein se 10-15 to behad buri haalat mein hain. Inka kaam ruk gaya hai aur inmein pragati ki kaafi kam gunjaaish dikh rahi hai. UPA-2 sarkaar ke dauraan haaivej ministri ne land kaust badhne aur nae land ekvijishn act ke prabhaavon ka mudda uthaaya tha. Ismein Delhi-Jaipur expressway jaise projekts ka jikr kiya gaya tha. Ek anya adhikaari ne kaha ki hamein bhoomi adhigrahan ke puraane niyamon aur nae kaanoon ki tulana kar faikts saamane rakhane ko kaha gaya hai. Iske alaava vikalpon ka sujhaav dene ko kaha gaya hai jinka istemaal jameen khareedne mein kiya ja sakta ho. Ministri aur NHAI ki ek baithak in muddon par charcha ke liye jald bulaai jaaegi. Ek adhikaari ne bataaya ki iske alaava mantri ne intar-ministriyl muddon ko chinhit karne ko bhi kaha hai. Masalan, defence kleeyareins, railway aur doosari tarah ke mudde hain.

Sust Haaive Projekts Ki Raftaar Badhaane Ki Taiyaari https://www.angrejinews.com/pic/52713