Sushaasan Ke Liye Janabhaageedaari Jaroori Modi

Breaking »

Sushaasan Ke Liye Janabhaageedaari Jaroori Modi

Nai Delhi. . Gujarat ke mukhyamantri Narendra Modi somvaar ko FICCI ke mahila sangathan ke vaarshik session ko sambodhit karne ke baad ek kaaryakram mein 'Gud gavarneins' par jamkar bole. Is kaaryakram Modi ne kareeb-kareeb vahi baatein kaheen, jo Rahul ne CII ke kaaryakram mein kahi theen. Bas fark tha samasyaaon ke samaadhaan ko lekar. Rahul jahaan samasyaaon ke samaadhaan bataane mein naakaam saabit hue the, vaheen Modi ne is maamale mein baaji maar li. Modi ne kaha ki sirf sarkaar ke prayaas se sushaasan asambhav hai. Vikaas aur sushaasan ke liye janabhaageedaari jaroori hai. Bina logon ke samarthan se vikaas sambhav naheen hai. Unhonne jor dekar kaha ki vartamaan log sirf apne baare mein sochate hain, ve saarvajanik javaabadehi naheen lete. Agar aam log saarvajanik javaabadehi lene legein, to tasveer badal jaaegi. Vyavastha parivartan sambhav hai. Network 18 ke 'Think India dialogue' mein Modi ne pehli baar vikaas ka khaaka kheencha. Modi ne bhi vikaas ke liye satta aur vyavastha ke vikeindreekaran par jor diya. Rahul ki tarah unhonne bhi sabko saath lekar vikaas ki baat kahi. Lekin, samasyaaon ke samaadhaan ke maamale mein Modi, Rahul se kaafi aage dikhe. Modi ke paas har samasya ke samaadhaan ke liye ek udaaharan tha, jabki Rahul Gandhi ne sirf samasyaaen ginaain, samaadhaan ka raasta naheen bataaya. Pehli baar Modi ke bhaashan mein ek vijn dikha. Unhonne vikaas aur sushaasan ke liye janabhaageedaari badhaane aur sarkaari hastakshep ghataane par jor diya. Narendra Modi ne kaha ki Bhaarat mein chunaavi raajaneeti haavi hai aur yahaan vikaas bhi chunaav ka mohataaj hai, jiski vajah se aam aadmi avishvaas ka shikaar hai. Use Bhagwan par bharosa hai, lekin sarkaar aur system par naheen. Yah durbhaagyapoorn sthiti hai. Modi ne achhi vyavastha ke liye javaabadehi badhaane par jor dete hue kaha ki logon ko khud se hatkar sochane ki jaroorat hai. Unhonne udaaharan dete hue kaha ki ek vyakti jo apni puraani scooter ko bhi din mein 4 par saaf karta hai, lekin vahi vyakti jab sarkaari bas mein chadhta hai ki kachara ka dher chhod deta hai. Is soch ko badalne ki jaroorat hai. Yah soch badli, to desh badal jaaega. Modi ne vikaas ke liye private pablik paartanaraship (PPP) model mein janta ko seedhe taur par shaamil karne par jor diya. Unhonne kaha, 'Peepeepi model mein janta ko shaamil kar peepal, pablik private paartanaraship (P-4) model banana chaahiye. Janta ki bhaageedaari tay hone par kisi bhi kaam ko kam samay aur kam kharch mein kiya ja sakta hai. Modi ne right saaij gavarneins par jor dete hue kaha ki aam logon ka sarkaar aur vyavastha se bharosa uth gaya hai. Unhonne kaha ki shaasan aur aam aadmi ke beech doori kam honi chaahiye, lekin yah doori badh rahi hai. Aakhir sarkaar par bharosa kyon naheen hai? Asantosh ka maahaul banane se sabse badi samasya saamane I hai. Modi ne one-day cricket ki tarah one-day gavarneins par jor diya. Teknaulaji ke maadhyam se logon ke kaam ko ek din mein niptaane ki prakriya ko unhonne one-day gavarneins ki sanjnyaa di. Unhonne kaha ki aam logon ke kaam ko hame ek din mein niptaana seekhana hoga. Bhale hi usase kuchh paisa jyaada le liya jaae. Behtar suvidha milegi to log jyaada paisa bhi dene ko taiyaar honge. Unhonne kaha hamein soch badalne ki jaroorat hai. Unhonne kaha ki file hai to gavarnameint hai, life hai to gavarneins hai. Gavarnameint bhale hi faailon mein ulajhi ho lekin gavarneins faailon mein na ulajhe.

Sushaasan Ke Liye Janabhaageedaari Jaroori Modi https://www.angrejinews.com/pic/4856