Surrender Karoonga, Saja Maafi Ki Appeal Naheen Sanjaya Datt

Breaking » Thursday, March 28, 2013

Mumbai. . San 1993 ke bam dhamaakon mein doshi karaar diye gaye baulivud aiktar sanjaya datt ne kaha hai ki vah Supreme court se mili saja ko bhugatne ke liye taiyaar hain. Unhonne kaha ki vah saja maafi ki appeal naheen kareinge. Baulivud aiktar ne kaha ki Supreme court se mili mohlat ke bheetar hi vah surrender kar deinge. Supreme court ne unhein chaar hafte ki mohlat di hai. Sanjaya datt ne kaha, 'Main apne desh se pyaar karta hoon aur kaafeetoot chuka hoon. ' unhonne kaha ki ab mere paas kaafi kam samay hai aur mujhe isi dauraan baaki kaam niptaane hain. Sanjaya ne kaha ki na to mainne saja maafi ke liye appeal ki hai aur na hi karoonga. Unhonne kaha ki jo log mere liye saja maafi ki appeal kar rahe hain unka shukragujaar hoon. Supreme court ne sanjaya datt ko 18 April tak surrender karne ka nirdesh diya hai. Guruvaar ko media se baat karte hue sanjaya datt bhaavuk ho gaye aur bahan priya datt se gale lagkar rone lage. Sanjaya datt ne aaj se filmon ki shooting shuroo ki hai. Kai filmon mein unke kaam bache hue hain aur sanjaya datt chaahate hain ki jail jaane se pehle in kaamon ko nipta lein taaki pradyoosaron ko nuksaan na ho. Is beech, sanjaya datt ki saja maafi ke liye sabse pehle avaaj uthaane vaale press kaaunsil ke adhyaksh maarkandeya kaatajoo ne kaha ki unhein baulivud aiktar ke inkaar se koi fark naheen padta hai. Unhonn kaha ki vah apni taraf se maafi ke liye appeal kareinge. Kaatajoo ne kaha ki mujhse pehle bhi sanjaya datt ne sampark naheen saadha tha, yah main apni pahal par kar raha hoon.