Supreme Court Ne UP Sarkaar Se Maanga Javaab

India »

Supreme Court Ne UP Sarkaar Se Maanga Javaab

pramukh samvaadadaata . Nai Delhi bulandashahar mein rape ki shikaar 10 saal ki bachchi ko hiraasat mein rakhe jaane ke maamale ko Supreme court ne gambheerta se liya hai. Supreme court ne is baare mein media mein I khabaron par sanjnyaaan lete hue raajya sarkaar ko notice jaari kiya hai aur javaab daakhil karne ko kaha hai. Supreme court ke cheef Justice altamas kabeer ki aguvaai waali bench ne ladki ki or se thaane mein shikaayat karne ke dauraan use diten kiye jaane ke maamale mein naaraajagi jataai. Supreme court ne kaha ki police kaise 10 saal ki ladki ko hiraasat mein rakh sakti hai. Supreme court ne is maamale mein UP sarkaar se somvaar tak javaab dene ko kaha hai. Agali sunavaai somvaar ko hogi. Aarop ke mutaabik ladki ke saath ravivaar ko rape kiya gaya. Vah apne ghar ke paas kuchh saamaan khareedne gayi tab uske saath rape kiya gaya aur aaropi faraar ho gaya. Jab ladki apne pairants ke saath mahila thaane shikaayat karaane gayi to use 20 ghante tak hiraasat mein rakha gaya. Ladki ko ravivaar raat diten kiya gaya aur use somvaar shaam chhoda gaya.

Supreme Court Ne UP Sarkaar Se Maanga Javaab https://www.angrejinews.com/pic/5190